ધરતીકંપ / કચ્છમાં 3.4ની તીવ્રતાનો ભૂકંપ, દુધઈથી 8 કિમી દૂર કેન્દ્રબિંદુ, કોઇ નુકસાનીના સમાચાર નહીં

• કચ્છમાં ભૂકંપનો આંચકો અનુભવાયો
• રિક્ટર સ્કેલ પર ભૂકંપની તિવ્રતા 3.4
• 4.57 મિનિટે ભુકંપનો આંચકો અનુભવાયો હતો

કચ્છમાં 4 વાગ્યે 57 મિનિટે 3.4ની તીવ્રતાનો ભૂકંપનો આંચકો અનુભવાયો છે. રિક્ટર સ્કેલ પર ભૂકંપની તીવ્રતા 3.4 નોંધાઇ છે. દુધઇથી 8 કિમી દૂર ભૂકંપનું કેન્દ્રબિંદુ નોંધાયું છે. ભૂકંપના આંચકા અનુભવાતા લોકો ઘરની બહાર દોડી આવ્યા હતા. જોકે કોઇ નુકસાનીના અહેવાલ સામે આવ્યા નથી. સામાન્ય આંચકાથી ઘરની દિવાલો ધ્રૂજી હતી.

કચ્છ યુનિવર્સિટીના સિસ્મોલોજી રિસર્ચનું અનુમાન

અત્રે ઉલ્લેખનીય છે કે થોડા દિવસ અગાઉ જ કચ્છમાં ભૂકંપ આવવાની આગાહી કરવામાં આવી હતી. કચ્છ યુનિવર્સિટીના સિસ્મોલોજી રિસર્ચ વિભાગે અનુમાન લગાવ્યું હતું કે કચ્છમાં ભૂકંપ આવી શકે છે. કચ્છમાં કતરોલ હિલ ફોલ્ટથી દર વર્ષે 2.1 મીલીમીટર ખસી રહી છે. અંજાર અને રાપરમાં સૌથી વધુ જોખમ હોવાનો મત છે.

કચ્છમાં વારંવાર ધરતીકંપ કેમ આવે છે?

• કરોડો વર્ષ પહેલા ભારતીય ઉપખંડ પૃથ્વીના દક્ષિણ તરફના હિસ્સા ગોંડવાનાલેન્ડનો ભાગ હતો
• આશરે 44 કરોડ વર્ષ પહેલા ગોંડવાનાલેન્ડમાં ભંગાણ પડ્યું
• આ ભંગાણને કારણે ભારતીય ઉપખંડ ધીમે-ધીમે ઉત્તર તરફ ખસ્યો
• ભારતીય ઉપખંડના ઉત્તર તરફ પોતાનાથી અનેકગણી મોટી યુરેશિયન પ્લેટ સાથે ટકરાયો
• આ ઘટના દરમિયાન હિમાલય પર્વતની રચના થઈ
• પૃથ્વી જે ટેક્ટોનિક પ્લેટની બનેલી છે તેમા ભારતીય પ્લેટ ઉત્તર તરફ ખસી રહી છે
• ઉત્તર તરફ તે યુરેશિયન પ્લેટ સાથે સતત ટકરાઈ રહી છે
• ભારતીય પ્લેટનો હિમાલયન કોલાઈઝનનો ઘણોખરો ભાગ કચ્છમાં છે
• ભૌગોલિક દ્રષ્ટિએ ગુજરાત હિમાલયન કોલાઈઝન ઝોનમાં આવેલુ છે
• ઈન્ડિયન પ્લેટની બાઉન્ડ્રી કચ્છમાં હોવાને કારણે પ્લેટ સતત અથડામણ અનુભવે છે