Science / કાર્બન ડાયોક્સાઈડથી સમૃદ્ધ હતું પૃથ્વીનું પ્રારંભિક વાતાવરણ; વૈજ્ઞાનિકોનું ચોકાવનારું તારણ

• ૭૦ ટકાથી વધુ હતી કાર્બન ડાયોક્સાઈડની માત્રા

સીએટલની યુનિવર્સિટી ઓફ વોશિંગ્ટનના સંશોધક અને આ અભ્યાસના પ્રથમ લેખક ઓવેન લેહમરે કહ્યું કે અમે અભ્યાસમાં જાણ્યું કે આ સૂક્ષ્મ ઉલ્કાપિંડોને વાતાવરણમાં ઉચ્ચ સ્તરના કાર્બન ડાયોક્સાઇડ નો સામનો કરવો પડ્યો હતો. તેનો અર્થ પૃથ્વીની શરૂઆતના સમયમાં કાર્બન ડાયોક્સાઇડની માત્રા એવી જ હતી જેવી વિચારવામાં આવી હતી. 

તેમણે કહ્યું કે પ્રારંભિક પૃથ્વી પર સ્થિતિ જાણવી આપણા ગ્રહના ઇતિહાસને સમજવા માટે મહત્ત્વપૂર્ણ છે. તેનાથી અન્ય ગ્રહો પર જીવનની શક્યતાઓની શોધમાં પણ મદદ મળી શકે છે. વર્તમાનમાં પૃથ્વીના વાતાવરણમાં નાઇટ્રોજન ગેસની માત્રા સૌથી વધુ મળી આવે છે.

સંશોધકોએ કહ્યું કે ઉલ્કાપિંડ ના નમૂનાઓ પર જે પ્રભાવ અમને જોવા મળ્યો છે તેનો કમ્પ્યૂટર સિમ્યુલેશન દ્વારા અભ્યાસ કરીએ તો જાણવા મળે છે કે આવો પ્રભાવ વાયુમંડળમાં ૭૦ ટકાથી વધુ કાર્બન ડાયોક્સાઇડની માત્રા હોવાથી પડે છે. પ્રાચીન ઉલ્કાપિંડોમાં ઓક્સિકરણની માત્રા જણાવે છે કે શરૂઆતનું વાતાવરણ કાર્બન ડાયોક્સાઇડથી ખૂબ જ સમૃદ્ધ હતું.