ઓછાં રૂપિયા અને ઓછી મહેનતમાં દર મહિને હજારો કમાવવા હોય તો ફટાફટ હોળી પહેલાં આ કામ શરૂ કરી દો. થશે જોરદાર આવક.
હોળી પહેલાં શરૂ કરો આ બિઝનેસ
દર મહિને થશે હજારોની આવક
ઓછાં પૈસા લગાવી મેળવો વધુ પ્રોફિટ
હવે હોળીના તહેવારમાં ગણતરીના દિવસો બાકી છે. આપણે બધાં જાણીએ છીએ કે હોળી પહેલાં, દરેક વ્યક્તિ પાપડ અને ચિપ્સ જેવી ઘણી બધી વસ્તુઓ પોતાના ઘરમાં તૈયાર કરે છે. આવા સમયે તમે પાપડનો બિઝનેસ શરૂ કરીને સારી કમાણી કરી શકો છો. જોકે આ હંમેશા ચાલતો વ્યવસાય છે, પરંતુ હોળીના સમયમાં આ બિઝનેસ દ્વારા તમે બમ્પર ફાયદો મેળવી શકો છો. ચાલો તમને જણાવીએ કે કેવી રીતે આ બિઝનેસ શરૂ કરવો અને તેના માટે કેટલા રૂપિયાની જરૂર પડશે.
તમે 10 હજારથી 2 લાખ રૂપિયાનું રોકાણ કરીને આ બિઝનેસ શરૂ કરી શકો છો. પાપડ મેકિંગ બિઝનેસ ફક્ત 2 લાખ રૂપિયામાં કરી શકાય છે. રાષ્ટ્રીય લઘુ ઉદ્યોગ નિગમ (એનએસઆઈસી)એ આ માટે એક પ્રોજેક્ટ રિપોર્ટ તૈયાર કર્યો છે, જેના દ્વારા તમને મુદ્રા યોજના હેઠળ 4 લાખ રૂપિયાની લોન સસ્તા દરે મળશે.
કેટલો ખર્ચ થશે?
એક રિપોર્ટ મુજબ, કુલ 6 લાખ રૂપિયાના રોકાણ સાથે આશરે 30 હજાર કિલો ઉત્પાદન ક્ષમતા તૈયાર થઇ જશે. આ વ્યવસાય શરૂ કરવા માટે 6.05 લાખનો ખર્ચ થશે. કુલ ખર્ચમાં ફિક્સ્ડ કેપિટલ અને વર્કિંગ કેપિટલનો ખર્ચ સામેલ છે.
કેટલી જગ્યાની જરૂર પડશે?
તમને જણાવી દઈએ કે પાપડ બનાવવાના વ્યવસાય માટે ઓછામાં ઓછી 250 ચોરસ ફૂટ જગ્યાની જરૂર પડશે. જો તમારી પાસે એટલી જગ્યા નથી, તો પછી તમે ભાડા પર જમીન પણ લઈ શકો છો.
કયા મશીનો જરૂરી છે?
પાપડ બનાવવાનો વ્યવસાય શરૂ કરવા માટે તમારે સ્વિફટર, બે મિક્સર, પ્લેટફોર્મ બેલેન્સ, ઇલેક્ટ્રિકલી ઓપરેટેડ ઓવન, માર્બલ ટેબલ ટોપ, પાટલો-વેલણ, એલ્યુમિનિયમના વાસણો અને રેક્સ જેવી મશીનરીની જરૂર પડશે.
તમે ક્યાં પ્રોડક્ટ્સ વેચી શકો છો?
એકવાર ઉત્પાદન તૈયાર થઈ જાય, પછી તમે તેને ઓનલાઇન અને ઓફલાઇન બંને રીતે વેચી શકો છો. ઓફલાઇન તમે તેને જથ્થાબંધ વેપારી અને છૂટક વેપારીને વેચી શકો છો. આ સિવાય તમે સુપરમાર્કેટ અને મોટા રિટેલરોનો સંપર્ક કરી શકો છો.
કેટલો થશે નફો
અંદાજ મુજબ રોકાણના આશરે 20 ટકા જેટલું કમાઇ શકાય છે. એટલે કે, 1 લાખના રોકાણ પર, તમે દર મહિને 20 થી 30 હજારની કમાણી કરી શકો છો.