કમાણી / SBI સાથે જોડાઈને શરૂ કરો આ કામ, દર મહિને 70 હજાર રૂપિયાથી વધુ થશે કમાણી

• સુરક્ષિત રીતે સારાં પૈસા કમાવવા હોય તો કરો આ કામ
• એસબીઆઈના એટીએમ ફ્રેન્ચાઈઝી લઈને કમાવો હજારો
• દર મહિને 60થી 70 હજારની થશે કમાણી

તમને જણાવી દઈએ કે એટીએમ લગાવનાર કંપનીઓ જુદી હોય છે. બેંક ક્યારેય પણ પોતે તેના એટીએમ લગાવતી નથી. બેંક તરફથથી કેટલીક કંપનીઓને એટીએમ લગાવવાનો કોન્ટ્રાક્ટ આપવામાં આવે છે, જે વિવિધ સ્થળોએ એટીએમ લગાવવાનું કામ કરે છે. ચાલો તમને જણાવીએ કે તમે એટીએમ ફ્રેન્ચાઇઝી લઈને કેવી રીતે સારી કમાણી કરી શકો છો.

એસબીઆઇ એટીએમ ફ્રેન્ચાઇઝી લેવા માટેની જરૂરી શરતો

• તમારી પાસે 50-80 ચોરસ ફૂટ જગ્યા હોવી જોઈએ.
• અન્ય એટીએમથી તેનું અંતર 100 મીટર હોવું જોઈએ.
• આ જગ્યા ગ્રાઉન્ડ ફ્લોર અને સારી વિઝિબિલિટીવાળી હોવી જોઈએ.
• 24 કલાક પાવર સપ્લાય હોવું જોઈએ અથવા 1 કિલોવોટ વિજળી કનેક્શન હોવું જોઈએ.
• આ એટીએમમાં લગભગ 300 ટ્રાન્ઝેક્શનની કેપેસિટી હોવી જોઈએ. 
• એટીએમની જગ્યાએ કોંક્રિટની છત હોવી જોઈએ.
• વી-સેટ લગાવવા માટે સોસાયટી અથવા ઓથોરિટી તરફથી નો ઓબ્જેક્શન પ્રમાણપત્ર જોઈએ.

ડોક્યૂમેન્ટ લિસ્ટ

• આઈડી પ્રૂફ - આધાર કાર્ડ, પાનકાર્ડ, મતદાર કાર્ડ
• એડ્રેસ પ્રૂફ - રાશન કાર્ડ, વીજળી બિલ
• બેંક ખાતું અને પાસબુક
• ફોટોગ્રાફ, ઇ-મેલ આઈડી, ફોન નંબર
• અન્ય દસ્તાવેજો
• જીએસટી નંબર
• નાણાકીય દસ્તાવેજો

કેવી રીતે અરજી કરવી

કેટલીક કંપનીઓ એસબીઆઈ એટીએમની ફ્રેન્ચાઇઝી આપે છે. તમે તેમની સત્તાવાર વેબસાઇટની મુલાકાત લઈને ઓનલાઇન અરજી કરી શકો છો. તમને જણાવી દઈએ કે એટીએમ લગાવતી કંપનીઓ જુદી જુદી હોય છે. Tata Indicash, Muthoot ATM અને India One ATM ની પાસે એટીએમનો મુખ્યત્વે ભારતમાં એટીએમ લગાવવાનો કોન્ટ્રાક્ટ છે. આ માટે તમે આ તમામ કંપનીઓની વેબસાઇટ્સ પર ઓનલાઇન લગિન કરીને એટીએમ માટે અરજી કરી શકો છો.

ઓફિશિયલ વેબસાઈટ

Tata Indicash - www.indicash.co.in
Muthoot ATM - www.muthootatm.com/suggest-atm.html
India One ATM - india1atm.in/rent-your-space

કેટલું રોકાણ કરવું પડશે

ટાટા ઈન્ડિકેશ આમાંથી સૌથી જૂની અને મોટી કંપની છે. તે 2 લાખની સિક્યોરિટી ડિપોઝિટ પર ફ્રેન્ચાઇઝી આપે છે જે રિફન્ડેબલ છે. આ સિવાય 3 લાખ રૂપિયા વર્કિંગ કેપિટલ તરીકે જમા કરાવવાના રહેશે. આ રીતે કુલ રોકાણ 5 લાખ રૂપિયા છે.

કેટલી કમાણી કરી શકાય છે

કમાણીની વાત કરીએ તો દરેક કેશ ટ્રાન્ઝેક્શન પર 8 રૂપિયા અને નોન કેશ ટ્રાન્ઝેક્શન પર 2 રૂપિયા મળે છે. વાર્ષિક રિટર્ન ઓન ઈન્વેસ્ટમેન્ટ 33-50 ટકા સુધી છે. ઉદાહરણ તરીકે જો તમારા એટીએમ દ્વારા રોજ 250 ટ્રાન્ઝેક્શન થાય છે, જેમાં 65 ટકા કેશ ટ્રાન્ઝેક્શન અને 35 ટકા નોન કેશ ટ્રાન્ઝેક્શન હોય તો મંથલી ઈન્કમ 45 હજાર રૂપિયા હોઈ શકે છે. જો રોજના 500 ટ્રાન્ઝેક્શન થાય તો ઈન્કમ 88-90 હજાર હોઈ શકે છે.