Covid 19થી બચવા માટે ભારતમાં 1 માર્ચ 2021થી શરૂ કરવામાં આવેલી વેક્સીનેશન ડ્રાઈવ બાદ લોકો વેક્સીન લગાવીને સોશિયલ મિડિયા પર પોસ્ટ કરી રહ્યાં છે. હવે ભારત સરકાર આ ફોટો શેર કરનારાઓને 5000 રૂપિયા આપી રહી છે.
વેક્સિન લેતો ફોટો તમને જીતાડી શકે છે 5000 રૂપિયા
ભારત સરકાર આ ફોટો શેર કરનારાઓને આપી રહી છે ઈનામ
આ રીતે મેળવી શકો છો પૈસા
દેશમાં કોરોનાના વધતા સંક્રમણને રોકવા માટે કેન્દ્રની મોદી સરકારે રસીકરણ અભિયાનને વધુ તીવ્ર બનાવ્યું છે. આ સમયે 18 વર્ષથી ઉપરના તમામ નાગરિકોને રસી આપવામાં આવી રહી છે. આવી સ્થિતિમાં સરકાર હવે ઘરે બેઠા 5000 હજાર રૂપિયા જીતવાની તક આપે છે. જે વ્યક્તિ વેક્સીન લગાવતો ફોટો એક સારી ટેગલાઈન સાથે શેર કરશે તેને સરકાર 5000 રૂપિયા રોકડ ઇનામ આપશે. ચાલો તમને જણાવીએ કે ઘરે બેઠા તમે 5 હજાર રૂપિયા કઈ રીતે કમાઈ શકો છો.
My Gov India ઓફિશિયલ ટ્વિટર હેન્ડલ પર આ વિશેની માહિતી આપવામાં આવી છે. ટ્વિટમાં એવું કહેવામાં આવ્યું છે કે જો તમે હાલમાં જ વેક્સીન લગાવી છે તો તમે લાખો લોકોને રસીકરણ માટે પ્રોત્સાહિત કરી શકો છો. તમારા વેક્સીનેશનવાળા ફોટાને એક રસપ્રદ ટેગલાઇન સાથે શેર કરો અને 5000 જીતવાની તક મેળવો.
અહીં શેર કરો ફોટો
My Gov Indiaએ તેની લિંક ટ્વિટર પર શેર કરી છે, જ્યાં તમે તમારો ફોટો શેર કરી શકો છો. ફોટો શેર કરવા માટે આ લિંક https://bit.ly/3sFLakx પર ક્લિક કરો.
આ લોકોને ઈનામ મળશે
દર મહિને 10 પસંદ કરાયેલી ટેગલાઇનને સરકાર તરફથી 5000 રૂપિયા આપવામાં આવશે. જો તમને અથવા તમારા પરિવારના કોઈ સભ્યને રસી આપવામાં આવી છે, તો રસીકરણના મહત્વ પર સારી ટેગલાઇન સાથે રસીકરણની તસવીર શેર કરો અને લોકોને પ્રોત્સાહિત કરો.
આ રીતે તમે રજીસ્ટર કરી શકો છો
આ કોન્ટેસ્ટમાં ભાગ લેવા માટે તમારે પહેલાં myGov.in પોર્ટલ પર જવું પડશે. અહીં તમારે લોગિન ટુ પાર્ટિસિપેટ ટેબ પર ક્લિક કરવું પડશે. આ પછી રજિસ્ટ્રેશન ડિટેલ્સ ભરવાની રહેશે.