કમાણી / IRCTC આપે છે કમાવવાની શાનદાર તક, દર મહિને 80 હજાર સુધીની કમાણી કરવી હોય તો શરૂ કરો આ કામ

• નોકરી ન કરવી હોય તો શરૂ કરો આ કામ
• IRCTCના એજન્ટ બનીને કરો શાનદાર કમાણી
• દર મહિને 80,000 કમાવવાની શાનદાર તક

હકીકતમાં IRCTC એજન્ટ બનીને લોકો સારી રકમ કમાઈ રહ્યાં છે. તમને જણાવી દઈએ કે ભારતીય રેલવેની સહયોગી કંપની IRCTCને રેલવે ટિકિટ બનાવવા માટે એજન્ટ બનવું પડે છે, એટલે કે તમારી પોઝિશન રેલ ટ્રાવેલ સર્વિસ એજન્ટની હશે. 

ભારતીય રેલવે વિશ્વનું ચોથું સૌથી મોટું રેલવે નેટવર્ક છે. રેલવેનું ટૂરિઝમ અને કેટરિંગ યુનિટ આઇઆરસીટીસી ઓનલાઇન ટિકિટ બુકિંગ / રદ કરવાની પણ સેવા આપે છે. તમને જણાવી દઈએ કે બુક કરાવેલી કુલ અનામત ટિકિટોમાંથી 55% ઓનલાઇન બુક કરાય છે. નોંધનીય છે કે આઈઆરસીટીસી પાસે ટિકિટ બુકિંગ એજન્ટો પણ છે જે અમર્યાદિત ઈ-ટિકિટ બુક કરાવી શકે છે.

કઈ રીતે થશે આવક

ઉલ્લેખનીય છે કે આરટીએસએ સ્કીમ મૂળ રૂપે 1985માં લાગુ કરવામાં આવી હતી. આમાં એજન્ટને ટ્રેનની ટિકિટ બુક કરવાના બદલામાં કમિશન મળે છે. જ્યારે કોઈ એજન્ટ યુઝર્સ લોગિન કરે છે, ત્યારે આઈઆરસીટીસી એપ્લિકેશન ડિજિટલ પ્રમાણપત્રને પ્રમાણિત કરશે અને જો પ્રમાણિત થઈ જાય, તો તે ટિકિટ બુક કરાવવાની સંખ્યા પર કોઈ પ્રતિબંધ લાગૂ કર્યા વગર ફક્ત ઇ-ટિકિટ બુક કરવાની મંજૂરી આપશે. આઇઆરસીટીસી એજન્ટ તરીકે તમને નોન-એસી ક્લાસ હોવા પર PNR દીઠ 20 રૂપિયા અને એસી ક્લાસમાં PNR દીઠ 40 રૂપિયાનું કમિશન મળે છે. આ સિવાય, એજન્ટોને 2,000 રૂપિયાથી વધુની કિંમત માટે ટ્રાન્ઝેક્શન પર 1% રકમ મેળે છે.

80,000 રૂપિયા સુધી થઈ શકે છે કમાણી

એક મહિનામાં એજન્ટો દ્વારા ટિકિટ બુક કરાવવાની કોઈ મર્યાદા નથી. જેથી એક મહિનામાં અમર્યાદિત ટિકિટ બુક કરાવી શકે છે. એજન્ટોને દરેક બુકિંગ અને ટ્રાન્ઝેક્શન પર કમિશન મળે છે. એક એજન્ટ દર મહિને 80,000 રૂપિયા સુધીની રેગ્યુલર આવક મેળવી શકે છે. જો કામ ધીમું હોય તો પણ સરેરાશ 40-50 હજાર રૂપિયાની કમાણી થઈ શકે છે.

એજન્ટ કેવી રીતે બનવું

તમને જણાવી દઈએ કે, જો કોઈ આઈઆરસીટીસી એજન્ટ બનવા માંગે છે, તો તે 12મું પાસ હોવું જોઈએ. જો તમે એજન્ટ માટે અરજી કરી રહ્યાં છો તો તમારે પહેલાં આઈઆરસીટીસીની સત્તાવાર વેબસાઇટ પર જવું પડશે. ત્યાં તમારે આ માટે અરજી ફોર્મ ભરવાનું રહેશે. પછી તમારે પાનકાર્ડ, આધારકાર્ડ, મોબાઇલ નંબર, માન્ય ઈમેલ આઈડી, ફોટો, એડ્રેસ પ્રૂફ, જાહેરાત ફોર્મ વગેરે જેવા દસ્તાવેજોની જરૂર પડશે.

એજન્ટ બનવા શું કરવું પડશે

બુકિંગ એજન્સીઓ માટે બે પ્લાન છે, પહેલા પ્લાન હેઠળ એક વર્ષ માટે 3,999 રૂપિયા એજન્સી ચાર્જ છે. બીજા પ્લાનમાં એજન્સી ચાર્જ બે વર્ષ માટે 6,999 રૂપિયા છે. જણાવી દઈએ કે જો તમારે આઈઆરસીટીસીના એજન્ટ બનવું છે, તો પહેલાં તમારે ડિમાન્ડ ડ્રાફ્ટ બનાવવો પડશે એટલે કે ડીડી.