જો પૈસાની તંગી હોય અને તમે કોઈ સારો કમાણી કરાવનાર બિઝનેસ શરૂ કરવા માંગો છો તો મધનો બિઝનેસ કરી શકો છો. આમાં સરકાર પણ મદદ કરે છે.
નોકરીની ચિંતા છોડો અને શરૂ કરો પોતાનો બિઝનેસ
આ બિઝનેસમાં દર મહિને થશે 1 લાખ રૂપિયાની કમાણી
આ બિઝનેસમાં સરકાર પણ તમારી મદદ કરશે
કેન્દ્ર સરકાર સતત ગ્રામીણ ઉદ્યોગનું ટર્નઓવર વધારવા માટે પ્રયત્નો કરી રહી છે. આ મામલે કેન્દ્રીય મંત્રી નીતિન ગડકરીએ પણ એક કાર્યક્રમમાં જણાવ્યું કે, સરકાર ખાદીની સાથે અન્ય ગ્રામીણ ઉદ્યોગોને વધારવાના પ્રયાસો કરી રહી છે. આ દરમિયાન તેમણે કહ્યું કે રેસ્ટોરન્ટ્સ, એરલાઇન્સ અને હોટલ્સમાં પીરસાતી ચામાં ખાંડને બદલે મધનો ઉપયોગ વધારવાનું વિચારી રહી છે. જો સરકાર આ યોજના અમલમાં મૂકે તો મધની માંગ ચોક્કસપણે વધશે. આને ધ્યાનમાં રાખીને આજે અમે તમને મધના વ્યવસાય વિશે માહિતી આપવા જઈ રહ્યા છીએ. અમે તમને જણાવીશું કે તમે આ બિઝનેસ કેવી રીતે શરૂ કરી શકો છો અને કેટલી આવક થશે.
મધનો બિઝનેસ શરૂ કરવાની સારી તક
તમને જણાવી દઈએ કે બે વર્ષથી ઓછા સમયમાં ખાદી અને ગ્રામોદ્યોગ આયોગ (KVIC)એ મધમાખી રાખવા માટે દેશના ખેડૂતો અને બેરોજગાર યુવાનોને એક લાખથી વધુ બોક્સ આપ્યા છે. આયોગે 'હની મિશન' હેઠળ આ કર્યું છે. જો તમે તમારો પોતાનો વ્યવસાય શરૂ કરવાનું વિચારી રહ્યા છો તો તમારા માટે આ શ્રેષ્ઠ તક છે. તમે હની હાઉસ અને મધ પ્રોસેસિંગ પ્લાન્ટ લગાવી શકો છો.
મીણ અને પૉલનથી પણ થશે કમાણી
થોડા દિવસો પહેલાં ખાદી ગ્રામોદ્યોગ વિભાગે હની મિશન યોજના શરૂ કરી છે. જેના દ્વારા જો કોઈ ખેડૂત વધુ પૈસા કમાવવા માંગે છે, તો તે આ રોજગાર શરૂ કરીને મોટી કમાણી કરી શકે છે. લોકો હની મિશન હેઠળ મધમાખીનું પૉલન કરીને વધારાની આવક મેળવી શકે છે. હવે એવી ટેક્નિક આવી છે જેના દ્વારા મધ કાઢતી વખતે મધમાખીઓ મરી જતી નથી. મીણ અને પૉલન પણ બને છે. તેના કારણે માત્ર ખેડૂતો જ નહીં પરંતુ બેરોજગાર યુવાનો પણ તેને રોજગાર તરીકે અપનાવી રહ્યાં છે.
સરકાર સપોર્ટ કરે છે
જો તમે આ યોજના હેઠળ મધ પ્રોસેસિંગ પ્લાન્ટ લગાવવા માંગો છો તો તમને કમિશન તરફથી 65 ટકા લોન મળે છે અને ખાદી ગ્રામોદ્યોગ તમને 25 ટકા સબસિડી પણ આપે છે એટલે કે તમારે માત્ર 10 ટકા રૂપિયાનું રોકાણ કરવું પડશે.
મળશે 16 લાખ રૂપિયાની લોન
કેવીઆઇસી પ્રમાણે તમે વાર્ષિક 20 હજાર કિલોગ્રામ મધ બનાવનારો પ્લાન્ટ લગાવવા ઇચ્છો છો તો તેની પર લગભગ 24.50 લાખ રૂપિયાનો ખર્ચ આવશે. એમાંથી તમને લગભગ 16 લાખ રૂપિયાની લોન મળી જશે. જ્યારે માર્જિન મનીના રૂપમાં 6.15 લાખ રૂપિયા મળી જશે અને તમારે તમારી તરફથી માત્ર 2.45 લાખ રૂપિયા લગાવવાના રહેશે.
દર મહિને થશે એક લાખ રૂપિયાની કમાણી
કેવીઆઇસીનું કહેવું છે કે જો તમે વર્ષમાં 20હજાર કિલોગ્રામ મધ તૈયાર કરો છો, જેની કિંમત 250 રૂપિયા પ્રતિ કિલોગ્રામ છે. એમાં 4 ટકા વર્કિંગ લૉસને પણ સામેલ કરવામાં આવે તો તમારું વર્ષનું વેચાણ 48 લાખ રૂપિયા થશે. એમાંથી બધો ખર્ચ લગભગ 34.15 લાખ રૂપિયા થશે. જેને બાદ કરવામાં આવે તો તમને વર્ષભરમાં લગભગ 13.85 લાખ રૂપિયાની આવક થશે. એટલે કે દર મહિને 1 લાખ રૂપિયાથી કમાણી કરી શકો છો.