હાલમાં જ બિગ બોસ 13ના વિનર સિદ્ધાર્થ શુક્લાનું હાર્ટ એટેકને કારણે 40 વર્ષની ઉંમરે નિધન થઈ ગયું. માત્ર 40 વર્ષની ઉંમરે હાર્ટ એટેક આવવો ખૂબ જ ગંભીર મુદ્દો છે. ચાલો જાણીએ હાર્ટ એટેક આવવાના કેટલાક સંકેતો.
આજકાલ નાની ઉંમરમાં જ હાર્ટ એટેકના કિસ્સા વધી ગયા છે
હાલમાં જ બિગ બોસ 13ના વિનર સિદ્ધાર્થ શુક્લાનું હાર્ટ એટેકને કારણે નિધન થઈ ગયું
હાર્ટ એટેક આવતા પહેલાં આ સંકેતો સમજવા છે જરૂરી
હાર્ટ એટેકનું નામ સાંભળતાં જ લોકો ફફડી જતાં હોય છે. પહેલાં માત્ર મોટી ઉંમરે આવતો હાર્ટ પ્રોબ્લેમ હવે ત્રીસીમાં પણ આવતો હોય છે. નિષ્ણાંતો મુજબ હવે 40 વર્ષ કે તેનાથી ઓછી ઉંમરના લોકોમાં કાર્ડિયેક એરેસ્ટના કિસ્સા વધી ગયા છે. જેનું મુખ્ય કારણ વધતું વજન, ડાયાબિટીસ, હાઈ કોલેસ્ટ્રો, ખરાબ લાઈફસ્ટાઈલ અને હાઈ બીપી છે. જે વ્યક્તિને હાર્ટ એટેક આવવાનો હોય છે તેનું શરીર અગાઉ જ તેને કેટલાંક સંકેતો આપતું હોય છે. અહીં અમે આવા જ કેટલાંક સંકેતો વિશે જણાવી રહ્યાં છે જેના પર ધ્યાન આપવું જરૂરી છે.
અસામાન્ય ધબકારા
જો તમારા હૃદયના ધબકારા થોડી સેકંડથી વધુ સમય માટે અસામાન્ય થઈ રહ્યાં છે તો તરત જ તમારા ડોક્ટરનો સંપર્ક કરો. આ હાર્ટ એટેકનો સંકેત હોઈ શકે છે.
છાતીનો દુખાવો
છાતીની ડાબી બાજુનો દુખાવો પણ હાર્ટ એટેકનો પ્રારંભિક સંકેત હોઈ શકે છે. જો તમને હાર્ટ બ્લોકેજ હોય અથવા જો તમને હાર્ટ એટેક આવી રહ્યો હોય છાતીમાં દુખાવો અનુભવાય છે. એવામાં તરત જ ડોક્ટરનો સંપર્ક કરવો જોઈએ.
ખભામાં દુખાવો
જો તમને તમારા ખભામાં ખાસ કરીને ડાબા ખભામાં કોઈ ઈજા વગર સતત દુખાવો થતો હોય તો તમારે ડોક્ટરનો સંપર્ક કરવો જોઈએ. આ હાર્ટ એટેકનો સંકેત હોઈ શકે છે.
પુષ્કળ પરસેવો થવો
જો તમારું શરીર કસરત કર્યા વિના અથવા એસીમાં હોવા છતાં વધારે પડતો પરસેવો કરે છે તો તે હાર્ટ એટેકનું લક્ષણ પણ હોઈ શકે છે.
સતત ઉલટી આવવી
ઉલટી થવાના ઘણાં કારણો હોઈ શકે છે, પરંતુ જો તમને વારંવાર ઉલટી અને પેટમાં દુખાવો થતો હોય તો થોડી સાવધાની રાખવાની જરૂર છે.
શ્વાસ લેવામાં તકલીફ
જો તમને શ્વાસ લેવામાં તકલીફ થતી હોય તો તે હાર્ટ એટેકનો સંકેત હોઈ શકે છે. આવી સ્થિતિમાં તમારે ડોક્ટરનો સંપર્ક કરવો જોઈએ.
નબળાઈ અને હાથ-પગ ઠંડા પડવા
જો તમે વધુ નબળાઈનો અનુભવ થઈ રહ્યો છો અને તમારા હાથ અને પગ પણ ધીમે ધીમે ઠંડા થઈ રહ્યાં છે તો તમારે તરત જ ડોક્ટરનો સંપર્ક કરવો જોઈએ. આ હાર્ટ એટેકનો સંકેત હોઈ શકે છે.