હાર્ટ એટેક આવતા પહેલા આપણા શરીરમાં ઘણા ફેરફારો થાય છે. પરંતુ ઘણા લોકો તેના વિશે જાણતા નથી. આ જ કારણ છે કે પછી તેમને ગંભીર પરિણામોનો સામનો કરવો પડે છે.
હાર્ટ એટેક પહેલા થાય છે આ ફેરફાર
ક્યારેય ન કરો નજરઅંદાજ
નહીં તો ભોગવવા પડશે આ ગંબીર પરિણામ
સામાન્ય રીતે હાર્ટ એટેકની સમસ્યા બદલાતી જીવનશૈલી અને ખાનપાનને કારણે થાય છે. આ જ કારણ છે કે દેશમાં ચારમાંથી ત્રણ લોકોને હાર્ટ એટેકની સમસ્યા છે. નોંધનીય બાબત એ છે કે મોટાભાગના લોકોને ઘણી વખત સાયલન્ટ એટેક પણ આવે છે. પરંતુ તેઓને તેની ખબર હોતી નથી. જો હૃદયના સ્નાયુઓ યોગ્ય સમયે કામ ન કરે તો મોટી સમસ્યા થઈ શકે છે. તો ચાલો જાણીએ હાર્ટ એટેક પહેલા આપણું શરીર કેવા પ્રકારના સંકેતો આપે છે. જેને તમારે ક્યારેય અવગણવું જોઈએ નહીં.
હાર્ટ એટેકના પ્રારંભિક લક્ષણો
જો હાર્ટ એટેકના પ્રારંભિક લક્ષણોની વહેલી ખબર પડી જાય તો ઘણી જિંદગીઓ બચાવી શકાય છે. પ્રારંભિક લક્ષણોમાં બેચેની, છાતીમાં બેચેની, છાતીમાં ભારેપણું લાગવું, છાતીમાં દુખાવો, પરસેવો, શ્વાસ લેવામાં તકલીફનો સમાવેશ થાય છે. આ સિવાય ઘણા લોકોને એસિડિટી અથવા ઓડકાર આવે છે જેને કેટલાક લોકો ગેસની સમસ્યા માને છે. તમને જણાવી દઈએ કે હાર્ટ એટેક પહેલા આ પણ એક લક્ષણ છે. તેને સાયલન્ટ હાર્ટ એટેક તરીકે પણ ઓળખવામાં આવે છે.
આ લક્ષણોને ઈગ્નોર ન કરો
યુએસ સેન્ટર્સ ફોર ડિસીઝ કંટ્રોલ એન્ડ પ્રિવેન્શન (CDC)અનુસાર હાર્ટ એટેક પહેલા નબળાઇ, થોડુ માથુ દુખવું, ગળુ-જડબા અને પીઠમાં બેચેની અથવા દુખાવો થવો. જો તમને આવા કોઈ લક્ષણ દેખાય છે તો તેને હળવાશથી ન લેવું જોઈએ. તાત્કાલિક ડૉક્ટરની સલાહ લેવી જોઈએ.