ખુશખબર / જલ્દી કરો! ગાડી ખરીદવા માટે સરકાર આપી રહી છે 3 લાખ સુધીની સબસિડી, ફટાફટ જાણી લો ડિટેઈલ્સ

• સરકાર કાર ખરીદવા માટે આપી રહી છે 3 લાખની સબસિડી
• ગોવા સરકારે ઈલેક્ટ્રીક મોબિલિટી પ્રમોશન પોલિસી-2021નો શુભારંભ કર્યો
• પોલિસીનો ઉદ્દેશ્ય વાહનોના ઉપયોગને પ્રોત્સાહન આપવાનો છે

ઈલેક્ટ્રીક મોબિલિટીને મળશે પ્રોત્સાહન

ઈ-વાહનોના ઉપયોગને પ્રોત્સાહન આપવા માટે ગોવા સરકારે ઈલેક્ટ્રીક મોબિલિટી પ્રમોશન પોલિસી-2021નો શુભારંભ કર્યો. ગોવાના મુખ્યમંત્રી પ્રમોદ સાવંતે શનિવારે એટલેકે આજે ઉદ્યોગ મંત્રાલય દ્વારા ઈલેક્ટ્રીક મોબિલિટીને પ્રોત્સાહન આપવા માટે આયોજીત ગોલમેજ દરમ્યાન આ નીતિની શરૂઆત કરી છે. મુખ્યમંત્રી સાવંતે કહ્યું કે આ નીતિનો મુખ્ય ઉદ્દેશ્ય બેટરીથી ચાલતા વાહનોના ઉપયોગને પ્રોત્સાહન આપવુ અને રાજ્યના લોકો માટે રોજગાર ઉભો કરવાનો છે.

ઈ-વાહનોની ખરીદી કરનારા લોકોને સબસિડી

મુખ્યમંત્રીએ કહ્યું, અમે વિનિર્માણને પ્રોત્સાહન આપી રહ્યાં છે. ગોવામાં રજીસ્ટર્ડ દરેક શ્રેણીના ઈ-વાહનો પર પાંચ વર્ષ સુધી ટોલની છૂટછાટ આપવામાં આવી રહી છે. રાજ્ય સરકાર ઈ-વાહનોની ખરીદી કરનારા લોકોને સબસિડી આપશે અને ચાર્જિગ માળખુ સ્થાપિત કરશે. સાવંતે પીટીઆઈને કહ્યું કે જાહેર માર્ગો પર દર 25 કિલોમીટરે ચાર્જિગ માળખુ હશે. શહેરમાં ચાર્જિગ સ્ટેશન જાહેર માર્ગોની તુલનામાં ઓછા અંતરે હશે.

રાજ્ય સરકાર આપશે સબસિડી

મુખ્યમંત્રીએ કહ્યું, અમારી નીતિ બે, ત્રણ અને ચાર પૈડાવાળા ઈ-વાહનો માટે છે. બે પૈડાવાળાં વાહનો માટે આ 30 ટકા અને ત્રણ પૈડાવાળાં માટે 40 ટકા છે. ચાર પૈડાવાળાં વાહનો માટે અમે ત્રણ લાખ રૂપિયા સુધી આપીશું.