સાહસ / રિક્ષાવાળાની સમજદારીથી બે દીકરીઓ કીડનેપ થવાથી બચી, જાણો કેમ દેશ આખામાં થઈ રહ્યા છે વખાણ

• ઈ-રીક્ષા ડ્રાઈવરે પકડ્યો કિડનેપર 
• છોકરીઓ પાસે ભીખ મંગાવવા માંગતો હતો આરોપી 
• ડ્રાઈવરને આપવામાં આવશે ઇનામ 

ઈ-રીક્ષા ડ્રાઈવરે પકડ્યો કિડનેપર 
અંકલ અમને જમાડીને છોડી દેજો....ઈ રીક્ષામાં બેસતા સમયે જ્યારે બે બાળકીઓએ પોતાની સાથેવાળા માણસને આમ કહ્યું તો એ સાંભળીને ઈ-રીક્ષા ડ્રાઈવર બ્રહ્મદત્તનાં કાન ઊંચા થઇ ગયા. કોઈ ગરબડની આશંકા થઇ તો તેણે બાળકીઓને પૂછ્યું કે શું તેઓ તે માણસને ઓળખે છે. આના જવાબમાં બાળકીઓએ ના કહ્યું.  આ પર બ્રહ્મદત્તે પાસે ઉભેલા ટ્રાફિક પોલીસના જવાનને આ જાણકારી આપી. આ પ્રકારે બે બાળકીઓ કિડનેપ થવાથી બચી ગઈ. 

છોકરીઓ પાસે ભીખ મંગાવવા માંગતો હતો આરોપી 
મામલો વિવેક વિહાર સ્થિત બાલાજી મંદિર પાસેનો છે. અહી એક માણસ 7 તથા 4 વર્ષ ની બે બાળકીઓ સાથે ઈ-રીક્ષામાં બેઠો. તેને લગભગ બે કિલોમીટર દૂર ચિંતામણી ચોક પર ઉતરવું હતું. આ દરમિયાન, ઈ-રીક્ષાવાળાને તે માણસની ગતિવિધિઓ બરાબર ન લાગી. ડ્રાઈવરે તે માણસ સાથે બંને બાળકીઓ વિષે પૂછતાછ કરી. તે કોઈ સંતોષકારક જવાબ ન આપી શક્યો. ઈ-રીક્ષાવાળાએ ચિંતામણી ચોક પર ઉભેલા ટ્રાફિક સ્ટાફ પાસે રીક્ષા રોકી. વિસ્તારથી તેમને આખી વાત જણાવી. ટ્રાફિક સ્ટાફે કડકાઈથી પૂછતાછ કરી તો આરોપીએ જણાવ્યું કે તે બાળકીઓને કિડનેપ કરી લઇ જઈ રહ્યો હતો. તેમની પાસે તે ભીખ માંગવાનું કામ કરાવવા માંગતો હતો. 

બિહારનો રહેવાવાળો હતો આરોપી સંજય 
ડીસીપી આર. સત્યસુન્દરમેં જણાવ્યું કે આરોપીની ઓળખાણ બિહારના છપરા જીલ્લાનાં રહેવાવાળા સંજયનાં રૂપમાં થઇ છે. તે ત્યાં ફૂટપાથ પર રહે છે. મામલો 4 માર્ચ સવારે 10:30 વાગ્યાનો છે. ઈ-રીક્ષા ચલાવવાવાળા બ્ર્રહ્મદત્તે પોલીસને જણાવ્યું કે આરોપીએ વિવેક વિહાર સ્થિત બાલાજી મંદિરની બહારથી બ બાળકીઓને પોતાની સાથે રીક્ષામાં બેસાડી. ચિંતામણી ચોક પર તેણે ઉતરવાની વાત કહી. શંકા થવા પર તેણે આરોપીને બાળકીઓ વિષે પૂછ્યું તો ગોળગોળ વાતો કરવા લાગ્યો. એટલે તેણે ટ્રાફિક સ્ટાફને જોઇને ઈ-રીક્ષા આગળ રોકી. 

ડ્રાઈવરને આપવામાં આવશે ઇનામ 
પૂછતાછમાં આરોપી સંજયે જણાવ્યું કે તે ભીખ મંગાવવા માટે બાળકીઓને કિડનેપ કરીને લઇ જઈ રહ્યો હતો. પોલીસે બંને બાળકીઓને તમના માતા-પિતાને સોંપી દીધી, જે એક નિર્માણાધીન બિલ્ડીંગમાં મજૂરીનું કામ કરી રહ્યા છે. પોલીસે આ મામલામાં કીડનેપીંગની ફરિયાદ દાખલ કરી છે. ડીએસપીનું કહેવું છે કે ઈ-રીક્ષા ડ્રાઈવરે સાહસ તથા બુદ્ધિથી કામ લઈને એક ઉદાહરણ પૂરું પાડ્યું છે. અપરાધ પર અંકુશ લગાવવામાં જનતા આંખ તથા કાન બનીને પોલીસની આ જ પ્રકારે મદદ કરી શકે છે. પોલીસ તરફથી ડ્રાઈવર બ્રહ્મદત્તને ઉચિત ઇનામ આપવામાં આવશે.