તમારા કામનું / EPFO પોર્ટલ પર નથી દેખાઇ રહી ઇ-પાસબુક, તો આ રીતે ફટાફટ ચેક કરો તમારું બેલેન્સ

• EPFO સભ્યો સર્વિસ બંધનો સામનો કરી રહ્યા છે
• EPFO દ્વારા સોશિયલ મીડિયા દ્વારા જાણ કરવામાં આવી
• પોર્ટલ પર ઈ-પાસબુક વિભાગની સેવા બંધ છે

ઘણા દિવસોથી EPFO સભ્યો સર્વિસ બંધનો સામનો કરી રહ્યા છે અને એના કારણે સભ્યો તેમની ઈ-પાસબુક પણ જોઈ શકતા નથી. જણાવી દઈએ કે આ અંગે કર્મચારી ભવિષ્ય નિધિ સંગઠને (EPFO )એ ટૂંક સમયમાં સમસ્યા હલ કરવાની ખાતરી આપી છે. મહત્વનું છે કે આ પ્રકારની સમસ્યા એક અઠવાડિયાથી વધુ સમયથી જોવા મળી રહી છે, જ્યારે ઈ-પાસબુક પેજ પર ક્લિક કરતા જ સ્ક્રીન પર એક એરર આવી રહી છે. 

હાલ જ EPFO દ્વારા સોશિયલ મીડિયા દ્વારા જાણ કરવામાં આવી છે કે ટીમ આ સમસ્યાના ઉકેલ માટે સમગ્ર મામલાની તપાસ કરી રહી છે જે માટે થોડો સમય રાહ જુઓ, ટૂંક સમયમાં સમસ્યાનું નિરાકરણ આવશે. 

View your EPF passbook on UMANG App with these easy steps… #AmritMahotsav #epfowithyou #epf #epfo@PMOIndia @byadavbjp @Rameswar_Teli @LabourMinistry @AmritMahotsav pic.twitter.com/6uuekC3F82

— EPFO (@socialepfo) April 26, 2023

પણ આ સ્થિતિમાં હવે સવાલ એ ઊભો થાય છે કે જ્યારે પોર્ટલ પર ઈ-પાસબુક વિભાગની સેવા બંધ છે તો સભ્યો તેમના ખાતાની બેલેન્સ કેવી રીતે ચેક કરી શકશે? આ માટે બીજા ઘણા વિકલ્પો છે, જેનો ઉપયોગ કરીને તમે પાસબુક સંબંધિત માહિતી મેળવી શકો છો. ચાલો જાણીએ.. 

ઉમંગ એપ  UMANG App 
UMANG App ડાઉનલોડ કરો અને તમારા એકાઉન્ટમાં લોગ ઇન કરો.
એ બાદ સર્ચ બારમાં 'EPFO' સર્ચ કરો 
સેવા સૂચિ વિભાગ પર જાઓ અને 'પાસબુક જુઓ' પર ક્લિક કરો.
આ બાદ UAN નંબર, OTP દાખલ કરો 
આ પછી ફક્ત 'મેમ્બર આઈડી' પસંદ કરવાનું રહેશે 
ઈ-પાસબુક ડાઉનલોડ કરી શકો છો.

મિસ્ડ કોલ Missed Call 
EPFO સાથે તમારા રજિસ્ટર્ડ મોબાઈલ નંબર પરથી મિસ્ડ કોલ આપીને એકાઉન્ટની માહિતી મેળવી શકો છો. આ માટે ફક્ત રજિસ્ટર્ડ મોબાઈલ નંબર પરથી એમ્પ્લોઈઝ પ્રોવિડન્ટ ફંડ ઓર્ગેનાઈઝેશન દ્વારા આપવામાં આવેલા નંબર 9966044425 પર મિસ્ડ કોલ આપવાનો છે. 

SMS 
તમે SMS દ્વારા પણ PF એકાઉન્ટ વિશે માહિતી મેળવી શકો છો અને આ માટે તમારે તમારા રજિસ્ટર્ડ મોબાઈલ નંબર પરથી 7738299899 પર SMS મોકલવાનો રહેશે. મેસેજ અંગ્રેજીમાં જોતો હોય તો EPFOHO UAN ENG અને હિંદીમાં જોતો હોય તો EPFOHO UAN HIN લખીને મોકલો. 

અંહિયા એક વાત મહત્વની છે કે મિસ્ડ કોલ અથવા એસએમએસ દ્વારા ખાતાની માહિતી મેળવવા માટે તમારું UAN તમારા બેંક ખાતા, આધાર અને પાન કાર્ડ સાથે જોડાયેલું હોવું જોઈએ.