ધરપકડ / ઈ-સિગારેટ પીનારા સુધરી જજો! અમદાવાદમાં SOGને મળી મોટી સફળતા, 2 દુકાનેથી પ્રતિબંધિત વસ્તુઓ કરી જપ્ત

• ચાંદખેડા વિસ્તારમાં SOGની રેડ
• રેડમાં ઇ સિગારેટ, ઇલેક્ટ્રિક રિફિલો જપ્ત
• 3 ઓરોપીઓ પૈકી 2ની ધરપકડ

અમદાવામાં હુકકબાર બાદ હવે ઇ સિગારેટનું પણ દૂષણ વધ્યું છે. હાલ યુવાનને સરળતાથી ઇ- સિગારેટ બજારમાં મળી રહે છે અને યુવાઓનો હવે હુક્કાની જગ્યાએ લિકવિડ નિકોટીન વાળી ઇ સિગારેટના બંધાણી બન્યા છે.  આવી સ્થિતિ વચ્ચે sog પોલીસે બાતમીને આધારે ચાંદખેડામાં આવેલા ક્રિજી ટાઉન પાન પાર્લર અને જ્યુસ વલ્ડ નામની દુકાનમાં રેડ પાડી હતી. આ દરમિયાન વિવિધ કંપનીના જુદી જુદી ફ્લેવરના ઇ સિગારેટ, લિકવિડ નિકોટીન રિફિલ તથા તેને લગતી ડીવાઇસ, ઇલેક્ટ્રિક રિફિલો મળી આવી હતી.આ તમામ ચિઝવસ્તુઓ પ્રતિબંધત હોવાનું સામે આવતા  સંયમ મરડીયા અને અજય નોટવાણી નામના શખ્સોને દબોચી લઇ sogએ ચાંદખેડા પોલીસને સોંપ્યા હતા.

યુવાધનને બરબાદ કરતા નશાના વેપારીઓ
SOG દ્વારા ઇ સિગારેટ વેચાણ અને ખરીદીનું નેટવર્કની તપાસ કરતા ચાંદખેડામા ઈ સિગારેટનો ધંધો ધમધમી રહ્યો હતો. પકડાયેલા આરોપી સંયમ મરડીયા અને અજય નોટવાણી સરદારનગરના રહેવાસી છે. આ આરોપીની પુછપરછમા મુંબઈના વસીમ નામના શખ્સનુ નામ સામે આવ્યુ છે. મહત્વનું છે કે ઇ સિગારેટની ફ્લેવરમાં લિકવિડ નિકોટીન રહેલ છે અને તમામ ચાજિંગવાળા ઇલેક્ટ્રોનિક સિગારેટ હુક્કાની જેમ ઉપયોગ થતો હોય છે.આ તમામ વસ્તુ ભારતમાં પ્રતિબંધિત હોવા છતાં નશાના વેપારીઓ તેનો ધંધો કરીને યુવાધનને બરબાદ કરી રહ્યા હતા.
 
ચાંદખેડા પોલીસે  ધી પ્રોહીબિશન ઓફ ઇલેક્ટ્રોનિક સિગારેટ્સ એક્ટ 2019ની કલમ 7,8 મુજબ ગુનો નોંધી બે આરોપી ધરપકડ કરી છે. આ આરોપી કેટલા સમયથી ઈ સિગારેટનો ધંધો કરતા હતા અને મુંબઈના વસીમ સિવાય અને કોઈ વ્યકિત સંડોવાયેલ છે કે નહિ તે મુદ્દે તપાસ હાથ ધરવામાં  આવી છે.