આપણા દેશમાં ટેલેન્ટનો કોઈ તોટો નથી. કેટલાક કૌશલ્યસમૃદ્ધ યુવાઓ પ્રોત્સાહનના અભાવે ક્યાંક ખૂણામાં ધકેલાઈ જતા હોય છે તો કેટલાક યુવાઓ તકને પારખીને પોતાના કૌશલ્યને દુનિયા સામે રજૂ કરી દેતા હોય છે. આજે વાત કરવી છે નવસારીના એક એવા યુવાનની, જેણે આજે પ્રદુષણની ચિંતાઓ વચ્ચે અને લાઈસન્સ, પીયુસીની પળોજળ વચ્ચે એક એવું વ્હીકલ બનાવ્યું છે જેને લઈને નીકળો તો તમને કોઈ રોકી નહી શકે.
ગુજરાતના યુવકની અનોખી શોધ
લાઈસન્સ, પીયુસી, અને પેટ્રોલ વગર ચાલતી બનાવી બાઇક
લોકોમાં બની આકર્ષણનું કેન્દ્ર
આજે સમગ્ર દેશમાં વ્હીકલજન્ય પ્રદુષણનો પ્રશ્ન વિકટ બન્યો છે અને તેના નિયંત્રણ માટે સરકાર અને કંપનીઓ કવાયત હાથ ધરી રહી છે. કોઈ આ પ્રદુષણને નાથવા ઈલેક્ટ્રીક વ્હીકલનો વિકલ્પ આપી રહ્યુ છે.
આ બાઇકમાં PUC, હેલમેટ તથા ડ્રાઇવિંગ લાયસન્સની નથી જરૂર
તેવા સમયે નવસારીના એક યુવકે પોતાના બુદ્ધિકોશલ્યના બળે એક એવી બાઈકનું નિર્માણ કર્યું છે જે પ્રદુષણતો નથી ફેલાવતી સાથે સાથે તમને PUC, હેલમેટ, અને ડ્રાઈવિંગ લાઈસન્સની ચિંતામાંથી મુક્ત રાખે છે.
હમજા કાગદીએ બનાવ્યું બેટરી સંચાલિત બાઇક
નવું સંશોધન કરનાર આ યુવકનુ હમજા કાગદી, હમજા નવસારી શહેરનો રહેવાસી છે. આમ તો તેને કોઈ વિધિવત ઓટોમોબાઈલ ટેકનોલોજીના કોઈ આટાપાટા શીખ્યો નથી પરંતુ સમાજને કંઈક નવુ આપના અને દુનિયાને કંઈક નવું કરી બતાવવાના જુસ્સાએ તેને એક ઈકો ફ્રેન્ડલી વ્હીકલનો નિર્માતા બનાવી દીધો છે. હમજાએ એક બેટરી સંચાલિત બાઇકનું સંશોધન કર્યું છે.
હમજા ગાંધીએ બનાવેલી બાઈક અનેક ખાસિયતો ધરાવે છે. તેણે ઇ-બાઇકનો ખ્યાલ રાખી આ બાઈક બનાવી છે. આ બાઈકને 6 કલાક ચાર્જ કરો તો તે તમને 60 કિલોમીટરની સફર કરાવી શકે છે. રાહતની વાત એ છે કે, આ બાઈક લઈને તમે નીકળો તો આરટીઓ સંબંધિત કોઈ સમસ્યાની તમને ઝંઝટ નહીં રહે અને રસ્તામાં પેટ્રોલપંપના પણ તમે ઓશિયાળા નહીં રહો.
લોકો હમજાને બાઇક માટે આપી રહ્યા છે ઓર્ડર
ઉપરાંત આ બાઈક પ્રદુષણ સામે પણ રક્ષણ આપવા સક્ષમ છે. હમજા ગાંધીએ વેસ્ટમાંથી બેસ્ટ બનાવીને બાઈકને બજારમાં ફરતી કરી છે. હુન્નરની કમાલ જેવી આ બાઈકને જોવા માટે અનેક લોકો હમજાની મુલાકાત લઈ રહ્યા છે અને ખરીદી અને કિંમત અંગે લોકો પૃચ્છા પણ કરવા લાગ્યા છે. હવે હમજાને બાઈક ખરીદીમાં ઓર્ડર મળી રહ્યા છે.
વિકટ પ્રદુષણના યુગમાં ઇ બાઇક ઉત્તમ વ્હીકલ બની રહેશે એ માટે ઇ-બાઇક પ્રદુષણ નિયંત્રણ અને ઈંધણ માટે વપરાતા નાણામાં પણ બચત કરાવશે. આવનાર દિવસોમાં આવી ઈ- બાઇક મહત્વની સાબિતો સાબિત થશે જ પરંતુ અનેક યુવાનોને પ્રેરણાપણ આપશે તેમાં બેમત નથી.