DySP જે. એમ. ભરવાડને સસ્પેન્ડ કરવામાં આવ્યાં છે. ગૃહવિભાગે DySP જે. એમ. ભરવાડને સસ્પેન્ડ કર્યા છે. જે. એમ. ભરવાડ પર રૂપિયા 8 લાખની લાંચ લેવાનો આરોપ છે. આ સસ્પેન્શન દરમિયાન હેડક્વાર્ટર છોટાઉદેપુર રહેશે. જે.એમ ભરવાડ પર જેતપુરમાં આર્મ્સ એક્ટના ગુનામાં નામો બહાર આવ્યા હતાં.
ગૃહવિભાગે DySP જે. એમ. ભરવાડને કર્યા સસ્પેન્ડ
જે. એમ. ભરવાડ પર રૂ. 8 લાખની લાંચ લેવાનો આરોપ
સસ્પેન્શન દરમિયાન હેડક્વાર્ટર છોટાઉદેપુર રહેશે
આરોપીઓને માર ન મારવા અને પૂછપરછ ન કરવા લાંચ માંગવામાં આવી હતી. DySP જે.એમ. ભરવાડ વતી વહિવટદારે લાંચ માંગી હતી. વહિવટદાર કોન્સ્ટેબલ વિશાલ સોનારાએ 8 લાખની માગ કરી હતી. ACBમાં યુવકે ફરિયાદ કરી અને કોન્સ્ટેબલ લાંચ લેતા પકડાઇ ગયો હતો.
કેસ શું હતો
હથિયારનાં ગુનામાં પકડાયેલા આરોપીને માર ન મારવા બાબતે 10 લાખની લાંચ માંગવામાં આવી હતી. જે સોદો અંતે 8 લાખમાં નક્કી થયો હતો. આ ઘટનામાં એસીબીન વી. એ દેસાઈ અને મદદનીશ નિયામક એન.ડી. ચૌહાણ અને તેમની ટીમે ટ્રેપ ગોઠવી હતી. જેમણે 3 ઓગસ્ટે પોરબંદર -રાજકોટ હાઈવે પર આવેલા આવકાર રેસ્ટોરન્ટમાં જેતપુર સીટી પોલીસ સ્ટેશનનાં કોન્સ્ટેબલ વિશાલ સોનારાને 8 લાખની લાંચ લેતા ઝડપ્યાં હતાં. આ બાદ ડીવાયએસપી જે. એમ. ભરવાડ ફરાર થઈ ગયાં હતાં. 8 ઓગસ્ટે સોલા વિસ્તારમાં ટ્રાફિક પોલીસને એક બિનવારસી કાર મળી આવી હતી.કારમાંથી પોલીસનો યુનિફોર્મ મળ્યો હતો અને તપાસ કરતા બહાર આવ્યું હતું કે આ કાર જે.એમ. ભરવાડની છે.
કોન્સ્ટેબલે સ્વીકાર્યું કે લાંચ ડીવાયએસપીનાં કહેવાથી લીધી હતી
કોન્ટેબલ સોનારા અને ફરીયાદીની વચ્ચેની ટેલિફોનિક વાતચીતની ટ્રાન્સક્રીપ્ટમાં જે. એમ. ભરવાડનો ઉલ્લેખ છે. તેમજ સોનારાએ નિવેદનમાં કબુલ્યું હતું કે તેમણે આ લાંચ જે. એમ ભરવાડનાં કહેવાથી માંગી હતી. જેતપુરમાં નોંધાયેલા લાંચ કેસમાં તેમની કોઈ ભૂમિકા નથી. તેઓ 22 વર્ષથી પોલીસ વિભાગમાં ફરજ બજાવે છે. પોલીસ સબ ઈન્સપેક્ટરમાંથી પોલીસ ઈન્સપેક્ટર અને પોલીસ ઈન્સપેક્ટરમાંથી ડી.વાય.એસ.પી. તરીકે તેમણે પ્રમોશન મેળવ્યું છે અને તેમની કામગીરીનો અત્યાર સુધીનો રેકોર્ડ સ્વચ્છ રહ્યો છે. તેમને આગોતરા જામીન મળવા જોઈએ. તેવી રજુઆત તેમણે હાઈકોર્ટમાં આગોતર જામીન માટે મુકેલી અરજીમાં કરી હતી.