ઓલ ધ બેસ્ટ..! DySO અને ડે.મામલતદારની ભરતી માટે આજે પરીક્ષા

વડોદરા: આજે DySO એટલે કે ડેપ્યુટી મામલતદાર માટે ભરતી પરીક્ષા યોજાનાર છે. 412 જગ્યા માટે યોજાનાર આ ભરતી પરીક્ષામાં 4 લાખ કરતા વધુ ઉમેદવારો પરીક્ષા આપશે. રાજ્યભરમાં 1452 કેન્દ્ર પર પરીક્ષાનું આયોજન કરવામાં આવ્યું છે.

ત્યારે પરીક્ષાને લઇને GPSC દ્વારા કડક સૂચના જાહેર કરવામાં આવી છે. પરીક્ષામાં ઇલેક્ટ્રોનિક ગેજેટ્સ પર સંપૂર્ણ પ્રતિબંધ મુકવામાં આવ્યો છે અને ઇલેક્ટ્રોનિક ગેજેટ્સ સાથે પકડાનાર પર આજીવન પ્રતિબંધ લગાવાની જાહેરાત કરવામાં આવી છે.

આપને જણાવી દઇએ કે તાજેતરમાં બનેલ પેપરલીક કાંડની ઘટના બાદ રાજ્ય સરકાર અને પરીક્ષા બોર્ડ દ્વારા કડક સુરક્ષા વ્યવસ્થા કરવામાં આવી છે. ત્યારે રાજ્યભરના 1452 કેન્દ્ર પર આજરોજ યોજાનારી DySO એટલે કે ડેપ્યુટી મામલતદાર માટેની ભરતી પરીક્ષાને લઇને સ્થાનિક પોલીસ દ્વારા ચાંપતો બંદોબસ્ત ગોઠવવામાં આવ્યો છે. 

ઉલ્લેખનીય છે કે 12 જગ્યા માટે યોજાનાર આ ભરતી પરીક્ષામાં આશરે 4 લાખ જેટલા ઉમેદવારો આજે પરીક્ષા આપવાના છે. જેના માટે ગુજરાત ભરમાં GPSC દ્વારા 1452 કેન્દ્ર પર પરીક્ષાનું આયોજન કરવામાં આવ્યું છે.