સુરત / ગટરમાંથી લાલ રંગનું પાણી નીકળતા સ્થાનિકોમાં કૌતુક

સુરતના અશ્વિનીકુમાર રોડ ઉપર વરસાદના સમયે ગટરમાંથી લાલ કલરનું પાણી બહાર આવે છે. આ પાણી સુરતના અશ્વિનીકુમાર રોડ ઉપર આવેલા 10 જેટલા ડાઇંગ હાઉસોમાંથી ગટરમાં છોડવામાં આવતું હોવાનું બહાર આવ્યું છે. 

આ વિસ્તારમાં આવેલી ડાઇંગ મિલો કલર અને કેમિકલ યુક્ત પાણી કોઇપણ પ્રકારની ટ્રીટમેન્ટ વગર સીધુ મનપાની ગટરોમાં છોડી દે છે. આ પાણી ગટરમાં છોડવામાં આવી રહ્યું છે તેને કારણે લોકોના ઘર સુધી આ પાણી જાય છે અને લોકોના આરોગ્ય સામે મોટું જોખમ ઉભું થઇ રહ્યું છે. 

છેલ્લા 4 વર્ષથી આ મુદ્દે સ્થાનિક કોર્પોરેટર દ્વારા મનપા અને જીપીસીબીને ફરિયાદો કરવામાં આવી છે પરંતુ બન્ને ના અધિકારીઓ એક મેકને ખો આપી રહ્યા છે જેને કારણે આમ જનતા પરેશાન છે.