જાહેરાત / રૂપાણી સરકારનો MBBSના વિદ્યાર્થીઓને લઈને મહત્વનો નિર્ણય, હવે ચાર હપતામાં ભરી શકશે ફી

• DYCM નીતિન પટેલનો મેડિકલના વિદ્યાર્થીઓને લઈને લીધો મહત્વનો નિર્ણય
• રોડ રસ્તા મામલે પણ આપ્યું નિવેદન
• નર્સિંગ કોલેજના વિદ્યાર્થીઓને પણ રાહત આપવામાં આવી છે

મેડિકલ કોલેજના વિદ્યાર્થીઓને લઈને નીતિન પટેલની મહત્વની જાહેરાત કરી છે. નર્સિંગ કોલેજના વિદ્યાર્થીઓને પણ રાહત આપવામાં આવી છે. ખાનગી કોલેજના વિદ્યાર્થીઓ ચાર હપતા ભરી શકશે. એક સેમેસ્ટની ફી ચાર હપતામાં ભરી શકાશે જેમાં સપ્ટેમ્બર, ઓક્ટોબર, નવેમ્બર અને ડિસેમ્બર એમ ચાર હપતામાં ભરી શકશે. 

કોરોનાની મહામારીના જંગમાં ખડેપગે રહેનારા MBBSના મેડિકલ સ્ટુડેન્ટસ માટે સરકારે મહત્વનો નિર્ણય લીધો છે. MBBSના વિદ્યાર્થીઓને ગત 10મી ઓગસ્ટે 3 લાખ રૂપિયાની ફી ભરવાની નોટિસ ફટકારવામાં આવી હતી. જે મામલે વિદ્યાર્થીઓએ સરકાર પાસે માંગણી કરી હતી કે, કોરોના વોરિયર્સ માટે આ મામલે છુટ મળવી જોઈએ. ત્રીજા અને ચોથા વર્ષના MBBSના વિદ્યાર્થીઓ પોતાના જીવના જોખમે કોરોના દર્દીઓની ડ્યૂટી કરે છે, કોરોના વોરિયર્સ સતત ફરજ બજાવી રહ્યાં છે, આવા વિદ્યાર્થીઓ પાસે કોલેજો ફી માગી રહી છે.એક તરફ કોરોનાને કારણે નોકરી ધંધા પડી ભાંગ્યા છે, બીજી તરફ 10મી ઓગસ્ટે રૂપિયા 3 લાખની ફી ભરવાની નોટિસ આપતા વિદ્યાર્થીઓ અને વાલીઓમાં ચિંતા વધી રહી છે. સાથે જ જો નક્કી કરેલી તારીખે ફી નહીં ભરવામાં આવે તો લેટ ફી પણ વસૂલવામાં આવશે આ અંગે સરકારે મહત્વનો નિર્ણય લીધો 

રોડ રસ્તા મામલે પણ નીતિન પટેલે કહ્યુ હતુ કે, આ મામલે CM રૂપાણી સાથે મહત્વની ચર્ચા થઈ હતી.