વિધાનસભા / મેવાણીએ નીતિન પટેલને શાયરાના અંદાજમાં કહ્યું, સત્તાધારી પાર્ટી છોડીને આવો તો...

• નીતિન પટેલની 'હું એકલા'નો મુદ્દો ગૃહમાં ગુજ્યો
• કોંગ્રેસે કહ્યું નીતિનભાઇ તમે એકલા નથી
• જીગ્નેશ મેવાણીએ શાયરાના અંદાજમાં આપ્યું નિવેદન 

જીગ્નેશ મેવાણીએ શાયરાના અંદાજમાં નીતિન પટેલની સ્થિતિ વર્ણવી હતી. મેવાણીએ કહ્યું કે, આંશુઓની ધાર કરતા પણ સ્થિતિ આ તેજ છે, આંખમાં વરસાદ નહીં પાંપણો પર ભેજ છે..!. આ સાથે તેમણે વધુમાં કહ્યું કે, નીતિન પટેલ સત્તાધારી પક્ષ છોડી વિપક્ષમાં આવી જાવો, આપણે બંન્ને ઉત્તર ગુજરાતના છીએ, વિપક્ષમાં એકલા પડવા નહીં દઉં.  

શું કહ્યું હતું નાયબ મુખ્યમંત્રીએ ? 

છેલ્લા ઘણા સમયથી થઈ રહેલી અવગણાને લઈને ઉમિયા ધામના કાર્યક્રમમાં નીતિન પટેલે કહ્યું હતુ કે, મને એકલો પાડવાનો ઘણો પ્રયાસ થાય છે, પરંતુ સમય આવે હું યાદ આવી જ જાઉ છું. હું જ્યાં છું ત્યાં એમ જ નહીં પહોંચાતું. તમે ટીવીમાં અને છાપામાં જોતા જ હશો કે એકબાજુ બધા અને એકબાજુ હું એકલો... નીતિન પટેલે આ રીતે હળવી ટીખળ કરતા આ નિવેદન પર કોંગ્રેસે પ્રતિક્રિયા આપવાનું શરૂ કર્યું છે.

નાયબ મુખ્યમંત્રીના નિવેદનને પગલે તર્ક વિતર્ક 

નાયબ મુખ્યમંત્રી નીતિન પટેલના આ નિવેદન બાદ ફરી એકવાર તર્ક વિતર્ક થઈ રહ્યાં છે. અને અગાઉ પણ નિતીનભાઈ આવા નિવેદનોના કારણે ચર્ચામાં રહ્યાં છે પરંતુ હવે જોવાનું તે રહેશે કે નિતીનભાઈનો આ વખતે કોના તરફ ઈશારો જઈ રહ્યો છે. આ સમગ્ર કાર્યક્રમમાં જીતુ વાઘાણી અને ગુજરાતના મુખ્યમંત્રી વિજય રૂપાણી તેમજ અનેક ધારાસભ્યો હાજર હતાં.