સોલા સિવિલ ગંદકી / આ તો હમણાં જ મશીનો આવ્યા, પહેલા રસોઈયા પગ ધોઈને જ રસોઈ બનાવતાઃ નીતિન પટેલ

• અમદાવાદની સોલા સિવિલ હોસ્પિટલની કેન્ટીનને સીલ કરાઇ
• સોલા સિવિલની મેસમાં ગંદકી મુદ્દે DyCMનું વિવાદિત નિવેદન
• DyCM નીતિન પટેલે પગથી બટાકા ખૂંદતા શખ્સનો કર્યો બચાવ

અમદાવાદની સોલા સિવિલ હોસ્પિટલની કેન્ટીનને સીલ કરવામાં આવી છે. વિદ્યાર્થીઓની ફરિયાદને ધ્યાને રાખી મનપાના આરોગ્ય વિભાગ દ્વારા કેન્ટિનને સીલ કરવામાં આવી છે. કેન્ટીનમાં બિન આરોગ્યપ્રદ જમવાનું પીરસાતુ હોવાની વિદ્યાર્થીઓએ બૉયઝ હોસ્ટેલમાં ફરિયાદ કરી હતી. એટલું જ નહીં કેન્ટીનમાં પગથી બટાકા પિસાતા હોવાનો વિદ્યાર્થીઓએ વીડિયો પણ વાયરલ કર્યો હતો. બોયઝ હોસ્ટેલમાં ફરિયાદ કરી હતી. ફરિયાદને ધ્યાને રાખી આરોગ્ય વિભાગે કેન્ટીન સીલ કરી છે.

આ મામલે નાયબ મુખ્યમંત્રી નીતિન પટેલે કહ્યું હતું કે, મોટી સંખ્યામાં ખાવાનું બનવું હોય તો આ રીતે જ બને છે. આ તો હમણા મશીનો આવ્યા બાકી રસોઈયા પગ ધોઈને આ રીતે જ રસોઈ બનાવતા હતા. અગાઉ વીડિયો વાયરલ થતા તંત્રએ કેન્ટિન સીલ કરી હતી.