ગાંધીનગર / રાજ્યની સરકારી હોસ્પિટલોમાં સુવિધા વધારાશે, 3 નવી મેડિકલ કોલેજ શરૂ થશેઃ DyCM

• ગાંધીનગરમાં DyCM નીતિન પટેલનું નિવેદન
• રાજ્યની સરકારી હોસ્પિટલોમાં સુવિધા વધારાશેઃ નીતિન પટેલ
• સરકારી હોસ્પિટલોને અપગ્રેડ કરાશેઃ નીતિન પટેલ

ગાંધીનગરમાં નાયબ મુખ્યમંત્રી નીતિન પટેલે પત્રકાર પરિષદ યોજી હતી. જેમાં તેમણે કહ્યું હતું કે, રાજ્યની સરકારી હોસ્પિટોમાં સુવિધા વધારાશે. સરકારી હોસ્પિટલોને અપગ્રેડ કરાશે. સરકારે અપગ્રેડેશન માટે રૂપિયા મંજૂર કર્યા છે. નવસારી અને પોરબંદરની હોસ્પિટલો મોટી છે. મેડિકલ કોલેજ, હોસ્ટેલ માટે જમીન ફાળવણી કરાઈ છે. આગામી સમયમાં 3 નવી મેડિકલ કોલેજ શરૂ થશે. નવસારી, રાજપીપળા, પોરબંદરમાં મેડિકલ કોલેજ બનશે. 

વધુમાં તેમણે કહ્યું હતું કે, કામદાર વીમા યોજના ધરાવતી હોસ્પિટલમાં નાગરિક સારવાર મેળવી શકશે. સામાન્ય નાગરિકોની સારવારનો ખર્ચ રાજ્ય સરકાર ઉઠાવશે. 40 વધુ શહેરમાં ESI 80 જેટલા દવાખાના અને 7 હોસ્પિટલ ચાલે છે. ચિલ્ડ્રન યુનિવર્સીટી માટે રાજ્ય સરકાર જમીન આપશે. સરકાર ગાંધીનગરના શાહપુર ગામે 30 એકર જમીન આપશે. શૈક્ષણિક ઝોનમાં સરકારે જમીન ફાળવી છે. યુનિવર્સીટી માટે આગામી બજેટમાં જોગવાઈ કરાશે. રવિ પાક માટે નર્મદા યોજનાનો લાભ મોટા પ્રમાણમાં મળ્યો છે.