નિવેદન / નીતિન પટેલે કહ્યું- 70 દિવસ નર્મદાનું પાણી મળશે, ધાનાણીના પ્રહાર, 'સરકાર માત્ર જાહેરાત કરે છે, તેનો અમલ થતો નથી'

• સિંચાઈનું પાણી આપવા નીતિન પટેલે કરી જાહેરાત
• નર્મદાનુ પાણી ખેડૂતોને આપવા માટે સરકારે કર્યો નિર્ણય
• ખેડૂતોને જરૂર હોય એટલુ પાણી અપાશેઃ DyCM

શિયાળુ પાક માટે સરકાર દ્વારા ખેડૂતો માટે મહત્વની જાહેરાત કરાઈ છે. સરકાર દ્વારા શિયાળુ પાક માટે સિંચાઈનું પાણી આપવાની જાહેરાત કરાઈ છે. આ મામલે નીતિન પટેલે જાહેરાત કરી છે કે, સરદાર સરોવર ડેમમાં પાણી હોવાથી સિંચાઈ માટે પાણી આપવામાં આવશે. તંત્ર દ્વારા કડી, કલોલ, સાણંદ, પાટડી, વઢવાણ, લખતર તાલુકાના ખેડૂતોને પાણી અપાશે. સતત 70 દિવસ સુધી ખેડૂતોને નર્મદાનું પાણી આપવા માટે સરકાર દ્વારા નિર્ણય કરાયો છે.

સરકારે જાહેરાત કરીને પડીકું વાળીને મૂકી દેવું જોઈએઃ ધાનાણી

ખેડૂતો માટે રૂપાણી સરકારે નવી જાહેરાત કરી છે કે શિયાળુ પાક માટે ખેડૂતોને જરૂરીયાત મુજબ પાણી આપવામાં આવશે. જેને લઈને વિપક્ષ નેતા પરેશ ધાણાનીએ કહ્યું હતું કે સરકારે જાહેરાત કરીને પડીકું વાળીને મૂકી દેવું જોઈએ. સરકાર જાહેરાત કરે છે પણ અમલ થતા નથી તે બાબતનું પણ સરકારે ધ્યાન રાખવું જોઈએ જેથી ખેડૂતો સાથે અન્યાય ન થાય.