એક તરફ રાજ્યસભા અને તાલુકા પંચાયત અને નગરપાલીકાની પેટા ચૂંટણી નજીક આવી રહી છે. ત્યારે ભાજપ અને કોંગ્રેસ ચૂંટણીની તૈયારીમાં લાગ્યા છે. આ વચ્ચે ગુજરાત રાજકારણના સૌથી મોટા સમાચાર સામે આવ્યા છે. ભાજપના સંગઠનમાં બહુ મોટા ફેરફાર થઇ શકે છે. મહત્વનું છે કે, નાયબ મુખ્યમંત્રી નીતિન પટેલે પાટીદારના એક કાર્યક્રમમાં આપેલ હું એકલો હોવાના નિવેદન બાદ હાઈકમાન્ડ ચિંતિત બન્યું છે.
ગુજરાત રાજકારણના સૌથી મોટા સમાચાર
ભાજપના સંગઠનમાં થઇ શકે છે બહુ મોટા ફેરફાર
હોળી બાદ ભાજપના સંગઠન માળખામાં થશે ફેરફાર
હોળી બાદ ભાજપના સંગઠન માળખામાં કેટલાક ફેરફારો થવાની સંભાવનાઓ છે. સૂત્રો પાસેથી મળતી માહિતી અનુસાર, નીતિન પટેલને ભાજપ પ્રદેશ અધ્યક્ષ બનાવાઇ શકે છે. નીતિન પટેલને સંગઠનમાં લઇ જવા હાઇકમાન્ડ વિચારણા કરી રહ્યું છે. પ્રદેશ અધ્યક્ષ માટે નીતિન પટેલ પર કળશ ઢોળાઇ શકે છે. નીતિન પટેલના તેવરને લઇને હાઇકમાન્ડ ચિંતિત છે.
જો નીતિન પટેલ પ્રદેશ અધ્યક્ષનું પદ ન સ્વીકારે તો વાઘાણી રીપિટ થઇ શકે છે. નીતિન પટેલ અધ્યક્ષ બને તો વાઘાણીને મંત્રીમંડળમાં સ્થાન મળી શકે છે. ભાજપના પ્રદેશ પ્રમુખને લઇને દિલ્હી ખાતે મેરેથોન ચર્ચા ચાલી રહી છે. રજની પટેલના નામની પણ પ્રદેશ અધ્યક્ષ તરીકે ચર્ચા ચાલી રહી છે. જોકે હાઇકમાન્ડ નીતિન ભાઇને પ્રદેશ અધ્યક્ષ બનાવવા અંગે વિચારણા કરે છે.
નીતિન પટેલના આ નિવેદનથી હાઈકમાન્ડ ચિંતિત
છેલ્લા ઘણા સમયથી થઈ રહેલી અવગણાને લઈને ઉમિયાધામના કાર્યક્રમમાં નીતિન પટેલે કહ્યું હતુ કે, મને એકલો પાડવાનો ઘણો પ્રયાસ થાય છે, પરંતુ સમય આવે હું યાદ આવી જ જાઉ છું. હું જ્યાં છું ત્યાં એમ જ નહીં પહોંચાતું. તમે ટીવીમાં અને છાપામાં જોતા જ હશો કે એકબાજુ બધા અને એકબાજુ હું એકલો. નીતિન પટેલના આ નિવેદન પર કોંગ્રેસે પ્રતિક્રિયા આપવાનું શરૂ કર્યું છે.
નાયબ મુખ્યમંત્રી નીતિન પટેલના હું એકલાનો મુદ્દે વિધાનસભા ગૃહમાં પણ ગુંજ્યો હતો. આ મામલે કોંગ્રેસ કહ્યુ હતું કે, નીતિનભાઈ તમે એકલા નથી. કોંગ્રેસના ધારાસભ્ય વીરજી ઠુમ્મરે મજાક કરતા કહ્યુ કે, નીતિનભાઈ તમે મુખ્યમંત્રી બનો, કોંગ્રેસ તમારી સાથે છે.