રાજનીતિ / હવે નીતિનભાઈ પટેલે કોંગ્રેસના આ ધારાસભ્યને ખુલ્લેઆમ કેસરિયો ધારણ કરવાની ઓફર આપી

• કોંગી નેતાઓએ તેમને સીધુ જ મુખ્યમંત્રી પદ ઓફર કરી દીધા હોવાની પણ ચર્ચા
• નીતિન પટેલની કોંગ્રેસના ધારાસભ્યોને ઓફર
• અમારી સાથે જોડાઈને કેસરિયા રંગે હોળી રમો

કોંગ્રેસ દ્વારા ભાજપને અને ભાજપ દ્વારા કોંગ્રેસને હરાવવા માટે એક બીજાના ધારાસભ્યોને પક્ષ છોડી સામેનો પક્ષ છોડવા માટેનું આમંત્રણ આપવામાં આવે છે ત્યારે બે ત્રણ દિવસ પહેલા નીતિન પટેલ કોંગ્રેસમાં જોડાશે તેવી ચર્ચાએ જોર પકડ્યુ હતુ જેને પગલે કોંગી નેતાઓએ તેમને સીધુ જ મુખ્યમંત્રી પદ ઓફર કરી દીધા હોવાની પણ ચર્ચા થઈ હતી ત્યારે આજે નીતિન પટેલે આ અંગે જડબાતોડ જવાબ આપ્યો છે. 

નીતિન પટેલની કોંગ્રેસના ધારાસભ્યોને ઓફર

વિધાનસભામાં નીતિન પટેલની કોંગ્રેસ ધારાસભ્યોને ઓફર કરી હતી કે, અમારી સાથે જોડાઈને કેસરિયા રંગે હોળી રમો. નીતિન પટેલે આ આમંત્રણ બ્રિજેશ મેરજાને આપ્યું હતુ. 

આનંદીબહેન બાદ પણ ન મળ્યુ સીએમ પદ

આનંદીબહેનને પાટીદાર આંદોલન વખતે ઘરભેગા કરનાર નીતિન પટેલ સીએમ પદથી વેંત છેટા રહી ગયા હતા. સીએમ રૂપાણી કરતા નીતિન પટેલીની કૂટનીતિ અને કાબેલિયત ઉપર પાર્ટી કે વિપક્ષ બંનેમાંથી એકેનેય શંકા નથી પરંતુ અસંતુષ્ટોની યાદીમાં નીતિન પટેલનું નામ મોખરે હોવાનું પણ પાછલા બારણે ચર્ચાઈ રહ્યું છે.