રાજ્ય સરકારે તમાકુ પ્રોડક્ટ પર પ્રતિબંધ એક વર્ષ માટે લંબાવ્યો છે. ત્યારે આ અંગે નાયબ મુખ્યમંત્રી નીતિન પટેલે જણાવ્યું હતું કે, રાજ્યમાં ગુટકા અને તમાકુ કે નિકોટીન યુક્ત પાન મસાલાના વેચાણ, સંગ્રહ અને વિતરણ પર હાલ પ્રતિબંધ છે. આ પ્રતિબંધને નાગરિકોનું સ્વાસ્થ્ય વધુ સુદ્રઢ બને તે માટે વધુ એક વર્ષ સુધી લંબાવવાનો રાજ્ય સરકારે નિર્ણય કર્યો છે.
તમાકુ પ્રોડક્ટ પર પ્રતિબંધ એક વર્ષ માટે લંબાવ્યો
એક વર્ષ સુધી તમાકુ પ્રોડક્ટનું વેચાણ નહીં કરી શકે
નિકોટીન વ્યસનને દૂર રાખવાનો નિણર્યઃ DyCM
રાજ્ય સરકારે તમાકુ પ્રોડક્ટ પર પ્રતિબંધ લંબાવ્યો છે. રાજ્યના કોઈ પણ વિસ્તારમાં લોકો એક વર્ષ સુધી તમાકુ પ્રોડક્ટનું વેચાણ નહીં કરી શકે. ગેરકાયદે તમાકુ પ્રોડક્ટનું વેંચાણ કરનાર સામે કાર્યવાહી કરવામાં આવશે.
રાજ્યમાં તમાકુ પ્રોડક્ટ પ્રતિબંધ મામલે નાયબ મુખ્યમંત્રી નીતિન પટેલે કહ્યું કે, યુવાનો તંદુરત રહે તે માટે પ્રતિબંધ મુક્યો છે. શાળા આસપાસ વેચાણ માટે પ્રતિબંધ મુકાયો છે. નિકોટીન વ્યસનને દૂર રાખવાનો નિણર્ય કર્યો છે. આગામી વિધાનસભામાં ગુંડા એક્ટ લાવશું. જમીન કે વ્યાજ વટાવના ગુના કરશે તેની સામે કાર્યવાહી થશે.
નીતિન પટેલે વધુમાં જણાવ્યું હતું કે, શૈક્ષણિક સંસ્થાના 100 વારની ત્રિજ્યામાં સિગારેટ, તમાકુ કે નિકોટીનની હાજરી હોય તેવા પદાર્થોનું વેચાણ કરવા માટે પ્રતિબંધનો અમલ તંત્ર દ્વારા સખત રીતે કરાઇ રહેલ છે. આ બાબતે છેલ્લા ત્રણ વર્ષમાં આરોગ્ય વિભાગના ખોરાક અને ઔષધ નિયમન તંત્ર દ્વારા આશરે 10 હજાર પેઢીઓની તપાસ કરી આશરે 11 લાખ જેટલો દંડ વસૂલ કરવામાં આવેલ છે.