2000 જેટલા ઈન્ટર્ન ડૉક્ટરોની સ્ટાઈપેન્ડ વધારવાની માંગણી મામલે DyCM નીતિન પટેલે જાહેરાત કરી છે. DyCM નીતિન પટેલે કહ્યું કે, ઈન્ટર્ન તબીબોની માંગ ગુજરાત સરકારે સ્વીકારી છે. ઈન્ટર્ન તબીબોનું સ્ટાઇપેન્ડમાં 5200 રૂપિયાનો વધારો કરાયો છે. હવે 12800ની જગ્યાએ હવે 18000 સ્ટાઇપેન્ડ મળશે.
2000 જેટલા ઇન્ડર્ન ડૉક્ટરની સ્ટાઈપેન્ડ વધારવાની માંગણી સ્વીકારવામાં આવી
12800ની જગ્યાએ હવે 18000 પર માસ વધારો મળશે
એપ્રિલ 2020થી સ્ટાઇપેન્ડ વધારાનો લાભ ગણવામાં આવશે
છેલ્લા કેટલાક સમયથી ઇન્ટર્ન તબીબો સ્ટાઇપેન્ડ વધારવાની માંગ કરી રહ્યા હતા. થોડા દિવસ અગાઉ આ તબીબો હડતાળ પર પણ ઉતર્યા હતા. જોકે DyCM નીતિન પટેલ સાથે ચર્ચા બાદ ઈન્ટર્ન તબીબોએ હડતાલ પૂર્ણ કરી હતી. DyCMએ વિવિધ માગણીઓને લઈ બાંહેધરી આપી હતી. ત્યારે આજે DyCMએ પ્રેસ કોન્ફરન્સ કરીને આ અંગે જાહેરાત કરી છે. તેમણે કહ્યું કે, 2000 જેટલા ઇન્ટર્ન ડૉક્ટરોની માંગણી રાજ્ય સરકારે સ્વીકારી છે. 5200 રૂનો સ્ટાઇપેન્ડમાં વધારો કરવામાં આવ્યો છે. 12800ની જગ્યા એ હવે 18000 પર માસ વધારો મળશે. આનો લાભ એપ્રિલ 2020થી મળશે.