માતર વિધાનસભાના ભાજપના ધારાસભ્ય કેસરીસિંહ સોલંકી સેલવાસના એક રિસોર્ટમાંથી જુગાર રમતા ઝડપાયા છે, ત્યારે આ મામલે રાજ્યના નાયબ મુખ્યમંત્રીએ મહત્વનું નિવેદન આપ્યું હતું.
ભાજપના ધારાસભ્ય જુગાર રમતા ઝડપાયા મામલો
Dy CM નીતિન પટેલે આપ્યું નિવેદન
કહ્યું- હું આ બાબતે હું જાણતો નથી
માતર વિધાનસભાના ભાજપના ધારાસભ્ય કેસરીસિંહ સોલંકી જુગારમાં ઝડપાવાના મામલે નીતીન પટેલે જણાવ્યું હતું કે, હું આ બાબતે હું જાણતો નથી.
ખુલાસો માગતી નોટીસ માગવામાં આવી છે : Dy CM
આ સાથે જ તેમણે એવું પણ નિવેદન આપ્યું હતું કે, પ્રદેશ તરફથી તેમને ખુલાસો માંગતી નોટીસ આપી છે અને પક્ષ તરફથી જે કામગીરી કરવાની થશે તે પક્ષ કરશે. તેમજ કોરોનાની બીજી લહેરમાં બરવાળા કોવિડ હોસ્પિટલના ડોકટરો અને કર્મચારીઓ દ્વારા ખુબ જ સારી કામગીરી કરેલા તમામ ડોકટરો અને કર્મચારીઓને બીરદાવી અભિનંદન આપ્યાં હતાં.
આણંદ, વડોદરા, અમદાવાદના લોકો રમી રહ્યા હતા જુગાર
ધારાસભ્ય કેસરીસિંહ સોલંકી સાથે અન્ય 26 લોકોની ધરપકડ કરવામાં આવી છે. ધારાસભ્ય સાથે આણંદ, વડોદરા, અમદાવાદ સહિતાના લોકો જૂગાર રમી રહ્યા હતા. LCB એ જૂગારીઓ પાસેથી 3 લાખ 80 હજારની રોકડ રકમ જપ્ત કરી છે સાથે 1 કરોડ 11 લાખની કિંમતના વાહનો તેમજ દારૂની 9 બોટલો પણ જપ્ત કરી હતી.
પોલીસે ગઈ કાલ રાત્રે બાતમીને આધારે પંચમહાલના હાલોલના ઝીમીરા રિસોર્ટમાં દરોડા પાડ્યા હતા મહત્વનું છે ગઈ કાલે રાત્રે કરવામાં આવેલા દરોડાની કામગીરી હજુ પણ ચાલી રહી છે LCB પોલીસે તમામ આરોપીઓને રૂમમાં રાખીને તપાસ કરી રહી છે.
હાઈ પ્રોફાઈલ જુગાર ધામનો LCBએ કર્યો પર્દાફાશ
હાઈ પ્રોફાઈલ જૂગાર ધામમાં હજુ પણ કેટલાક રહસ્યો પરથી પરદો ઉંચકાઈ શકે છે. દારૂ,શબાબ અને જૂગારના આ ખેલમાં રૂપલલના પણ હોઈ શકે છે તેને લઈને પોલીસે વધુ તપાસ હાથ ધરી છે. મહત્વનું છે કે ઝડપાયેલી હાઈપ્રોફાઈલ જૂગારના કાંડમાં સાત જેટલી યુવતીઓનો પણ સમાવેશ થાય છે. જેમાંથી ચાર મહિલાઓ નેપાળની હોવાનું સામે આવ્યું છે.
કસીનો ટાઈપ જુગાર રમાડવામાં આવતો
તો એવું પણ જાણવા મળ્યું છે કે, રિસોર્ટમાં કસીનો ટાઈપ કોઈનથી યુવતીઓ દ્વારા જુગાર રમાડવામાં આવી રહ્યો હતો. પોલીસે હાલ લાખોને મુદ્દામાસ જપ્ત કર્યો છે અને નબીરોઓની ધરપકડ કરી છે. હાલ ઘટના સ્થળે પાવાગઢ પોલીસ સહિત LCBની ટીમ પણ પણ પહોંચી છે અને કાર્યવાહી હાથ ધરી છે.
કેસરીસિંહ સાથે જોડાયેલો વિવાદ શું છે?
ગતવર્ષે રાજ્યસભાની ચૂંટણી વખતે હાઇવોલ્ટેજ ડ્રામા થયો હતો
મતદાન વખતે ધારાસભ્ય કેસરીસિંહ અચાનક બીમાર થયા
એમ્બ્યુલન્સમાં મતદાન કરવા પહોંચ્યા હતા કેસરીસિંહ
કેસરીસિંહ વતી શંકરસિંહે પ્રોક્સી મતદાન કર્યુ હતું
કેસરીસિંહની બીમારીને લઇને ખુબ ચર્ચા થઇ હતી
ખરેખર બીમાર થયા,કે પછી ક્રોસવોટિંગના ડરથી ડ્રામા થયો!
કેમ કે ગુરૂવારે કેસરીસિંહ સ્વસ્થ હતા
શુક્રવારે મતદાન શરૂ થયાની થોડી મિનિટ પહેલા જ બીમાર થયા
રાજ્યસભાની ચાર બેઠકોની ચૂંટણી હતી
ચર્ચા એવી થઇ કે ક્રોસ વોટિંગના ડરે ભાજપે કેસરીસિંહ પર વિશ્વાસ જ ન મૂક્યો!
મતદાન બાદ કોંગ્રેસે વાંધો પણ ઉઠાવ્યો હતો
ભાજપ-કોંગ્રેસે બેઠકો જીતવા ખુબ પ્રયાસો કર્યા હતા
દક્ષિણ ગુજરાતના બે ધારાસભ્યો સાથે કોંગ્રેસ સંપર્કમાં હોવાની ભાજપને ખબર હતી!
બે ધારાસભ્યોને સાચવવા મંત્રી અને નેતાઓને જવાબદારી સોંપાઇ હતી