નાયબ મુખ્યમંત્રી નીતિન પટેલે પરીક્ષા વિવાદ મામલે મજાકમાં મૌન તોડયું છે. બ્રહ્મ સમાજની સમીટમાં અસિત વોરા પર તેમણે હળવો મજાક કર્યો છે.રાજ્યના નાયબ મુખ્યમંત્રી નીતિનભાઇ રૂપાણીએ ગૌણ સેવા મંડળના ચેરમેન અસિત વોરાની હળવી મજાક કરતા કહ્યું કે, હમણાં હમણાં અસિતભાઇ વોરા વધારે ચર્ચામાં છે. ઘણીવાર અમે પડદા પાછળ રહી જઇએ છીએ.
નાયબ મુખ્યમંત્રી નીતિન પટેલની હળવી ટિખળ
બ્રહ્મ સમાજની સમીટમાં અસિત વોરાને લઇ કરી મજાક
વીડિયો સોશિયલ મીડિયામાં વાયરલ
આ સાથે જ પત્રકારોને પણ સંબોધન કરતા કહ્યું કે, આજ જે હું બોલું છું એ બધુ ગમ્મતમાં ગણજો, કાંઇ વાત ઉપાડી ના લેતા પાછા. આ સાથે જ વધુમાં કહ્યુંકે, છેલ્લા 5 વર્ષમાં આપણી ભાજપ સરકારે 4.25 કર્મચારીઓની ભરતી કરી છે. અસિતભાઇએ આટલા લોકો પૈકી કેટલાય લોકોની ભરતી કરી છે આપણે લીસ્ટ જોઇએ તો ખબર પડે. પણ આપણને વિશ્વાસ છે કે એમનો ધર્મ એમણે બજાવ્યો હશે.
આપને જણાવી દઇએ કે, નાયબ મુખ્યમંત્રીની આ ટિખળ વખતે અમદાવાદના પૂર્વ મેયર અને ગૌણ સેવા મંડળના ચેરમેન અસિત વોરાનો મૂડ ઓફ થઇ ગયો હોય તેવું સ્પષ્ટ જણાઈ આવતું હતું. જો કે, આ ઘટનાનો વિડીયો સોશિયલ મીડિયામાં વાયરલ થયો હતો.