VIDEO / બોલિવુડ સૉન્ગ પર વિદેશીએ લગાવ્યા ઠુમકા,ફેન્સ વખાણ કરતા થાકતા નથી, જુઓ વીડિયો

• ડ્વેન બ્રાવોનો વીડિયો થયો વાયરલ
• સોશિયલ મીડિયામાં કર્યો શેર
• નોરા ફતેહીના સોન્ગ પર કર્યો ડાન્સ

નોરા ફતેહીનો ડાન્સ વીડિયો સોશિયલ મીડિયામાં ઘણો ધૂમ મચાવે છે ત્યારે નોરા ફતેહીના સૉન્ગનો ફીવર છેક વેસ્ટ ઇન્ડીઝ પહોંચ્યો છે. નાચ મેરી રાની આ સોન્ગ હજી પણ એટલુ જ લોકપ્રિય છે. ત્યારે વિદેશમાં આ સોન્ગ પર જાણીતી સેલિબ્રિટી અને એક ગર્લ આ સોન્ગ પર શાનદાર ડાન્સ મૂવ દેખાડી રહ્યા છે. આ બંનેનો ડાન્સ એટલો જબરદસ્ત છે કે તેને જોઈને ગીતની અભિનેત્રી નોરા ફતેહી પણ મંત્રમુગ્ધ થઈ જશે.

'નાચ મેરી રાની'નો ક્રેઝ વેસ્ટ ઈન્ડિઝ સુધી પહોંચ્યો

વીડિયોમાં ડ્વેન બ્રાવોનો ઉત્સાહ જોવા જેવો છે. વીડિયોમાં જોઈ શકાય છે કે બ્રાવો 'નાચ મેરી રાની' ગીત પર જબરદસ્ત ડાન્સ કરી રહ્યો છે. બ્રાવો જે રીતે આ ગીતના હૂક સ્ટેપને સારી રીતે કરતો જોવા મળી રહ્યો છે, તે જોઈને લાગતું નથી કે તે કોઈ વિદેશી છે. સોશિયલ મીડિયા યુઝર્સ તેના આકર્ષક ડાન્સને ખૂબ પસંદ કરે છે. તેના ડાન્સને જોઈને ભારતના લોકો તેના જોરદાર વખાણ કરી રહ્યા છે.

ઇન્સ્ટાગ્રામ પર શેર કર્યો વીડિયો 

આ વીડિયો ડ્વેન બ્રાવોએ પોતાના ઈન્સ્ટાગ્રામ એકાઉન્ટ પર અપલોડ કર્યો છે. તેના ડાન્સને જોઈને લોકોએ અલગ-અલગ પ્રકારની પ્રતિક્રિયાઓ સામે આવી રહી છે. વીડિયો જોઈને એક યુઝરે કમેન્ટ કરી કે, 'અમેઝિંગ ડાન્સ મૂવ્સ.' તમને જણાવી દઈએ કે IPL 2022ની હરાજીમાં ચેન્નાઈ સુપર કિંગ્સે 4.40 કરોડ ખર્ચીને બ્રાવોને પોતાની ટીમમાં સામેલ કર્યો છે. બ્રાવો લાંબા સમયથી આ ફ્રેન્ચાઈઝી માટે રમી રહ્યો છે. 

 

 

 

 

View this post on Instagram

 

 

 

 

 

 

 

 

 

 

 

A post shared by Dwayne Bravo aka SIR Champion🏆 (@djbravo47)

બ્રાવોના ચાહકો વીડિયો જોતા રહી ગયા

નોંધનીય છે કે વેસ્ટ ઈન્ડિઝનો પૂર્વ ક્રિકેટર ડ્વેન બ્રાવો ક્રિકેટ સિવાય સોશિયલ મીડિયા પર તેની સક્રિયતા માટે પણ જાણીતો છે. તે સોશિયલ મીડિયા પર કોઈને કોઈ વીડિયો પોસ્ટ કરીને તેના ચાહકોનું મનોરંજન કરે છે. તે ક્રિકેટના મેદાનમાં પણ લોકોનું મનોરંજન કરે છે અને મેદાનની બહાર પણ ચાહકોનું મનોરંજન કરવાનું ચૂકતો નથી. તેણે ઘણી વખત બોલિવૂડ પ્રત્યે પોતાનો પ્રેમ વ્યક્ત કર્યો છે.