દેવભૂમિ દ્વારકા જિલ્લા ના ખંભાળિયા નજીક આવેલ કુબેર વિસોત્રી ગામે આવેલ ચેકડેમ પર નો પુલ વરસાદ માં ચેકડેમ તૂટી જવાથી સ્થાનિક ખેડૂતો પોતાનો પાક માર્કેટિંગ યાર્ડ માં ન પહોંચાડી શકતા હોય અને અન્ય ઇમરજન્સી માં પણ ગામ માંથી અન્ય શહેરમાં ન જઇ શકતા હોય ત્યારે ગામ ના લોકો એ ફંડ એકઠું કરી પુલ બાંધવાનું કામ શરુ કર્યું
દ્વારકાના કુબેર વિસોત્રીનો પુલ તૂટેલો હોવાથી લોકોને મુશ્કેલી
ખેડૂતોને માર્કેટિંગયાર્ડ કે મેડિકલ ઇમરજન્સીમાં મુશ્કેલી
તંત્રને અનેક રજૂઆત છતાં નથી કરાઇ કોઇ કામગીરી
દેવભૂમિ દ્વારકા જિલ્લા ના મુખ્ય મથક ખંભાળિયા થી માત્ર 12 કિમિ દૂર આવેલ કુબેર વિસોત્રી ગામ માં ગત મોસમ નો 320 ટકા થી વધુ વરસાદ જિલ્લામાં નોંધાયો છે અને ખંભાળિયા અને આસપાસ ના વિસ્તારો માં પણ ભારે વરસાદ થી અનેક રોડ રસ્તાઓ ને નુકશાન થયું છે ત્યારે કુબેર વિસોત્રી ગામે આવેલ પુલ તૂટી ગયો હતો અને ગ્રામ જનો દ્વારા ચાલુ વરસાદે પણ તંત્ર ને જાણ કરાઈ સાથે જ રજૂઆતો પણ કરાઈ છતાં હજુ સુધી પુલ નું કામ શરૂ ન થતા ગ્રામ જનો ને મુશ્કેલી પડી રહી છે ત્યારે આજ રોજ ગ્રામજનો દ્વારા ફંડ એકઠું કરી પુલ ના નિર્માણ કાર્ય ને શરૂ કરી દેવાયો અને તંત્ર ને જાણે એક તમાચો જીકયો હોઈ તે જોવા મળ્યું હતું
3 ગામો ને આ પુલ તૂટી જવાથી સીધી અસર થઇ
કુબેર વિસોત્રી ગામ ના અને આસપાસ ના અન્ય 3 ગામો ને આ પુલ તૂટી જવાથી સીધી અસર થઇ છે અને ગામ ના કેટલાક ખેતરો તરફ જવાનો મુખ્ય રસ્તો જ આ જ પુલ પરથી જતો હોવાથી લોકો ને અવર જવર કરવામાં મુશ્કેલીઓ પડી રહી છે ખેડૂતો એ પાક નું વાવેતર કર્યું છે અને પાક પણ તૈયાર થઈ ગયો છે.
સ્વયં આ પુલ નું કામ કરવા મજબૂર બન્યા
પરંતુ પુલ ન હોઈ ત્યારે ટ્રેકટર અને અન્ય વાહનો આ પુલ પરથી પસાર ન થઈ શકતા હોય ત્યારે ખેડૂતો નો પાક ખેતરોમાં જ પડ્યો રહે છે સાથે જ અન્ય મેડિકલ ઇમરજન્સી માં પણ લોકો ને ખંભાળિયા અને અન્ય શહેર માં પહોંચવું મુશ્કેલ બની જતું હોય ત્યારે આજ રોજ ગ્રામજનોએ ફંડ એકઠું કર્યું પુલ નું કામ જેસીબી અને ટ્રેકટર જેવા સાધનો ભેગા કરી અને લોકો સ્વયં આ પુલ નું કામ કરવા મજબૂર બન્યા છે
આ પુલ શરુ થવો અત્યંત જરૂરી બની ગયો હતો
બીજી તરફ સરકાર ને જે કામગીરી કરવાની હોય તે લોકો જ કરવા મજબૂર બન્યા ત્યારે સરકાર ને પણ એ સીધી રીતે તમાચો માર્યો હોઈ તે રીતે કુબેર વિસોત્રી ના ગ્રામજનો એ બતાવ્યું છે સ્થાનિક લોકો માટે આ પુલ શરુ થવો અત્યંત જરૂરી બની ગયો હતો પરંતુ સરકાર ના કોઈ અધિકારીએ કામગીરી શરુ ન કરાતા કુબેર વિસોત્રી ગામ ના લોકો એ સાથે મળી અને રૂપિયા એકઠા કરી પોતાની રીતે જ પુલ નું નિર્માણ શરુ કર્યું હતું