સરકારે હજુ ગયા શુક્રવારે જ સંસદમાં માહિતી અધિકાર (Right to Information) ના કાયદામાં સુધારાનું બિલ બહુમતીથી પસાર કરી દીધું. વિપક્ષે વિરોધ સાથે વોકઆઉટ કરી દીધો હતો. તો સરકારે કહ્યું હતું કે, અમારી નિયત પર સવાલ ન ઉઠાવશો. પરંતુ ગુજરાતમાં જે બે ઘટનાઓ સામે આવી છે તેણે સમગ્ર સરકારની તો નહીં પરંતુ તેના કેટલાંક પ્રતિનિધિઓ અને અધિકારીઓની નિયત પર સવાલ ઊભા કર્યા.
સરકારે હજુ ગયા શુક્રવારે જ સંસદમાં માહિતી અધિકાર (Right to Information) ના કાયદામાં સુધારાનું બિલ બહુમતીથી પસાર કરી દીધું. વિપક્ષે વિરોધ સાથે વોકઆઉટ કરી દીધો હતો. તો સરકારે કહ્યું હતું કે, અમારી નિયત પર સવાલ ન ઉઠાવશો. પરંતુ ગુજરાતમાં જે બે ઘટનાઓ સામે આવી છે તેણે સમગ્ર સરકારની તો નહીં પરંતુ તેના કેટલાંક પ્રતિનિધિઓ અને અધિકારીઓની નિયત પર સવાલ ઊભા કર્યા છે. સાફ નિયતવાળી સરકારના એક જનપ્રતિનિધિ અને એક સરકારી બાબૂ માહિતી અધિકારના કેવા ધજિયા ઊડાવે છે તે જુઓ આ અહેવાલમાં.
અહીં સરકારી બાબૂ નાગરિકોને માહિતીના બદલે ધમકાવી રહ્યાં છે અને કહી રહ્યાં છે કે કહી દો જે મીડિયાવાળાને કહેવું હોય તે તો બીજી બાજુ ખુદ એક ચૂંટાયેલા પ્રતિનિધિ માહિતી માંગનારને જાહેરમાં ધમકી આપી રહ્યાં છે કે સુધરી જજો નહીંતર મારી તીસરી આંખ ખૂલશે. અહીં ગુજરાતની ધરતી પરથી માહિતીના કાયદાની ઠીક એવા સમયે ઠેકડી ઊડાવી રહ્યાં છે જ્યારે હજુ ત્રણ દિવસ પહેલા સરકારે માહિતી અધિકારના કાયદામાં સુધારો કર્યો છે.
ખેડૂતો પાણીની રજૂઆત કરવા જતા નાયબ એન્જિનિયર થયાં ગુસ્સેઃ
અમે તમને આ આ બન્ને જનસેવકોનો વિગતવાર અહેવાલ દર્શાવવા જઈ રહ્યાં છીએ. ખુરશી પર પગ પર પગ ચડાવીને બેઠેલા મહાશય એચ .પી પટેલ સાહેબ કે જેઓ પાટણ જિલ્લામાં નર્મદા વિભાગમાં નાયબ એન્જિનિયર (Deputy Engineer) ના પદે બિરાજે છે. ગત 17 તારીખે સૂઈગામ તાલુકાના ગરામડી ગામના કેટલાક ખેડૂતો તેમની ઓફિસે પાણી માટે રજૂઆત કરવા પહોંચ્યા તો એચ.પી. પટેલ સાહેબને લાગ્યું કે ખેડૂતો તેમનો ગરાસ લૂંટવા આવ્યા છે. ખેડૂતોએ માત્ર ખેતી માટે પાણી છોડવાની વિનંતી કરી તો એચ.પી. પટેલ સાહેબ ગુસ્સે ભરાઈ ગયા. ખેડૂતોમાંથી કોઈએ મીડિયાને વાત કરવાનું કહ્યું તો સાહેબ વધારે અશાંત થઈ ગયા. સાહેબે ખેડૂતોને તો દબડાવ્યા સાથે સાથે મીડિયાની ગેરહાજરીમાં મીડિયા વિશે એલફેલ બોલવા લાગ્યા. તેઓ શું બોલ્યા સાહેબ તે જોઇએ અહીં...
00.14-00.31
મફત પાણી આલે છે ત્યારે આટલા અધિકાર સમજો છો..કોણ તે દી છાપાવાળાને બોલાવવા માગતું હતું...બોલાવી લાવને એકવાર જા પહેલા છાપા વાળાને બોલીવી લાવ...આટલી શાંતિથી વાત કરીને તમને અહીંયા ઊભા રહેવા દઈએ એટલે!
00.42-00.54
જુઓ એક વસ્તુ સમજીલો આટલી નહેરો તૂટી, આટલા છાપાવાળા એય અહીંયા આંટા મારે છે તો કોનું તોડી લીધું? કોનું બગડી ગયું એમ કો!
01.11-01.23
કોઈ એવું સમજતું હોય કે, મગજમાં રઈ ભરી હોય...છાપામાં...તમારા છે જ બોલવાવાળા ભઈ એને જ લઈને આવો...એ અહીંયા આવેલો ને ધમકાવીને કાઢી મૂકેલો.
02.46-02.55
છાપાવાળાઓથી કંઈ થતું જ નથી..છાપાવાળાથી કંઈ કંકોડા તૂટતા નથી...આટલી ટીવીઓમાં આપે તેમાંથી શું ફેર પડવાનો...
પૂર્વ ધારાસભ્યની RTI Activistને ધમકાવ્યાં:
હવે બીજી વાત કરીએ તો માહિતીના અધિકારની ઠેકડી ઉડાવતી આ શખ્સિયત કે જેઓ છે પૂર્વ ધારાસભ્ય પબુભા માણેક (Pabubha Manek). એક સરકારી બાબૂ મીડિયાને ભાંડવાની આટલી હિંમત દાખવી શકે તો પછી જનપ્રતિનિધિ તરીકે પબૂભા માણેક કેમ તેમનાથી પાછળ કેમ રહે. એટલે જ તો એક કાર્યક્રમમાં સ્ટેજ પરથી દ્વારકાના પૂર્વ ધારાસભ્ય પબુભા માણેકે માહિતી માગનારા આરટીઆઈ એક્ટિવિસ્ટને માહિતી ન માગવાની અને સુધરી જવાની મોઘમ ચેતવણી આપી દીધી. પબુભાની તીસરી આંખ ખૂલે તે પહેલા સાંભળો તમે શું કહી રહ્યાં છે આ જનપ્રતિનિધિ.
'ઈ ચોરને સંદેશો આપજો...કે, હવે સુધરી જાઓ...નહીં તો મરી ગ્યા...છૂટી ગ્યા...પણ હવે આ બધી માહિતી માગવાનું ને ઓલું માગવાનું ને ઓલું માગવાનું...શું તું કયાં નેતાના દીકરા બનવા આવી પડ્યાં છે..ને કયો એવો તમે એને પકડીને સજા કરાવવાનો છો અને તમને ભગવાન સદબુદ્ધિ આપે...કે નહીં આપે તો તીસરી આંખ ખૂલશે અને શિવશિવ થાશે. આમાં બે મત નથી..એટલે બધા સુધરી જાજો. તમારાથી કાંઈ નથી થવાનું. તમે ગમે તેટલી ખટપટ કરો, તમે ગમે તેટલી માહિતી માંગો. તમે ગમે તેટલા માથાં પછાડો...પણ તમારા બાપથી પણ કાંઈ થવાનું નથી...નથી...નથી...ન્યાં હું બેઠો છું.
હાં હજુ તો સંસદે માહિતી અધિકારના કાયદાની કલમ-13ની જોગવાઈમાં રહેલી કેટલી બાબતોનો જ સુધારો કર્યો છે. તો પણ આ કાયદાની મજાક ઊડાવવાની નેતાઓમાં અને સરકારી બાબૂઓમાં આવી શરૂઆત હોય તો આગળ શું થશે તેની ચિંતા માત્ર એક્ટિવિસ્ટોને જ નહીં પરંતુ સામાન્ય નાગરિકોને પણ થવા લાગી છે.