ચૂંટણી રદ્ / દ્વારકા વિધાનસભા: મેરામણ ગોરિયાની કપિલ સિબ્બલ અને અહેમદ પટેલ સાથે મુલાકાત, શેની તૈયારી?

દ્વારકા વિધાનસભાની ચૂંટણી રદ થયા બાદ કોંગ્રેસના ઉમેદવાર મેરામણ ગોરિયાએ કવાયત તેજ કરી છે. સુપ્રીમ કોર્ટમાં કેવિયટ અરજી દાખલ કરવા મેરામણ ગોરિયા અહેમદ પટેલ પાસે દોડી ગયા. અહેમદ પટેલ સાથે મુલાકાત કરી મેરામણ ગોરિયા કેવિયટ દાખલ કરવી કે નહીં તે અંગે ચર્ચા કરશે. સાથે જ આગામી સમયમાં રણનીતિ અંગે પણ ચર્ચા કરે તેવી શક્યતા છે.
મેરામણ ગોરિયા અને તેમના વકીલ કપિલ સિબ્બલના નિવાસ સ્થાને 
દ્વારકા વિધાનસભા બેઠક પર હાઇકોર્ટના ચુકાદા બાદ મેરામણ ગોરિયા અને તેમના વકીલ દિલ્હી પહોંચ્યા છે. કોંગ્રેસના તત્કાલિન ઉમેદવાર મેરામણ ગોરિયા અને તેમના વકીલ કપિલ સિબ્બલના નિવાસ સ્થાને પહોંચ્યા હતા. ત્યા સુપ્રીમમાં કેવીયટ દાખલ કરવા કરવા મુદ્દે ચર્ચા વિચારણા કરી હતી.

મહત્વનું છે કે, ગુજરાત હાઇકોર્ટે મેરામણ ગોરિયાની અરજી પર ભાજપના ધારાસભ્ય પબુભા માણેકનું ધારાસભ્ય પદ રદ્દ કર્યું હતું. મેરામણ ગોરિયાએ પબુભા માણેકના ઉમેદવારી પત્રકમાં ભૂલ હોવાની અરજી કરી હતી. જે અરજીને કોર્ટે માન્ય રાખી હતી અને મેરામણ ગોરિયાના પક્ષમાં ચુકાદો આપ્યો હતો. જોકે, સમગ્ર મામલે પબુભા માણેકે સુપ્રીમ કોર્ટમાં જવાની ચીમકી ઉચ્ચારી હતી ત્યારે મેરામણ ગોરિયાએ આગમચેતી પગલા લેવાની શરૂઆત કરી છે. જેને લઇ મેરામણ ગોરિયાએ પોતાની જીત માટે સુપ્રીમમાં કેવિયટ દાખલ કરવાની કવાયત શરૂ કરી છે.