અજબગજબ / ચાવી હાથમાં આવી જતા મમ્મીની કાર લઈને નીકળી પડ્યું 4 વર્ષનું ટેણિયું, પછી જે થવાનું હતું તે થયું

• નેધરલેન્ડમાં ટેણિયાનું પરાક્રમ
• માતાની કાર લઈને ફરવા નીકળી પડ્યું
• બે વાહનો સાથે અથડાવી કાર 
• પોલીસે તાત્કાલિક કન્ટ્રોલમાં લીધી કાર

 નેધરલેન્ડના એક શહેરમાં ચાર વર્ષનો છોકરો કાર લઈને ફરવા ઉપડી ગયો હતો તેના હાથમાં માતાની કારની ચાવી ગઈ અને તેણે કાર ચાલુ કરી નાખી હતી. તમને આ સાંભળીને આશ્ચર્ય થશે, પરંતુ આ આખી ઘટના સાચી છે. આ મામલો રવિવારે નેધરલેન્ડમાં સામે આવ્યો હતો.ચાર વર્ષનો બાળક ઉઘાડા પગે અને પાયજામા પહેરીને કાર ચલાવવા નીકળ્યો હતો. આ દરમિયાન ત્યાંથી પસાર થતા લોકોએ ઇમરજન્સી સેવાને ફોન કર્યો હતો. એવું કહેવામાં આવે છે કે બાળક એકલું અને ઉઘાડપગું મળી આવ્યું હતું અને તેને મેડિકલ ચેકઅપ માટે લઈ જવામાં આવ્યું હતું. આ પછી એમ્બ્યુલન્સના સભ્યોને લાગ્યું કે આસપાસ બાળકના માતા-પિતા નથી. તેથી તેઓ તેને નજીકના પોલીસ સ્ટેશન લઈ ગયા. જ્યાં આ બાળકને હોટ ચોકલેટ આપવામાં આવી હતી.

 

 

 

 

View this post on Instagram

 

 

 

 

 

 

 

 

 

 

 

A post shared by Politie Basisteam Utrecht Nrd (@politie_utrechtnoord)

ટેણિયાની કારે અકસ્માત સર્જ્યો 
ટેણિયાએ તેની કાર  પાર્કિંગમાં પડેલી બે કાર સાથે ટકરાઈ હતી.ત્યારબાદ પોલીસે કારના રજિસ્ટર્ડ માલિકને ફોન કર્યો હતો, જેના પર જાણવા મળ્યું કે તે આ જ 4 વર્ષની માસૂમ બાળકીની માતા છે. જે પોલીસ સ્ટેશનમાં હાજર હતા.

માતાએ જણાવ્યું કે, "બાળક હંમેશા કંઈક નવું કરવા માંગે છે."
આ દરમિયાન માતાએ પોલીસને જણાવ્યું કે તેનું બાળક હંમેશા કંઈક નવું કરવાનો પ્રયત્ન કરે છે. ત્યારબાદ તેણે પોતાના બાળક સાથે ફોન પર વાત કરી પોલીસે જણાવ્યું કે, આ દરમિયાન અમે જોયું કે બાળક પોતાના હાથથી સ્ટિયરિંગની નકલ કરવાનો પ્રયાસ કરી રહ્યો હતો. ત્યારબાદ પોલીસ બાળકની માતાને કારમાં લઈ ગઈ હતી, જ્યાં અકસ્માત સર્જાયો હતો. બાળકના પિતા પણ આવી પહોંચ્યા. 

કાર કેવી રીતે ચાલુ કરી અને હંકારી-બાળકે પોલીસને કહી સંભળાવ્યું 
જેવું પોલીસે પૂછ્યું કે શું તે કહી શકે કે તેણે જે કર્યું તે કેવી રીતે કર્યું. ત્યારબાદ બાળકે ચાવીને ઇગ્નિશનમાં મૂકી દીધી. પછી તેણે કાર સ્ટાર્ટ કરી. પછી તેણે પોતાનો ડાબો પગ ક્લચ પર મૂકીને એક્સિલેટર દબાવ્યું.પોલીસ પણ તેના આ કામથી દંગ રહી ગઈ હતી.