દશેરા ઉજવણી / ગુજરાતમાં ફાફડા-જલેબી માટે લાઇન, કરોડોના વેચાણનો અંદાજ

• દશેરાએ ગુજરાતમાં ફાફડા-જલેબી-મીઠાઈની પરંપરા
• અમદાવાદમાં અંદાજે 7 કરોડના ફાફડા-જલેબીનું વેચાણ
• સુરતમાં અંદાજે 5 કરોડ ફાફડા જલેબીનું થશે વેચાણ
• વડોદરામાં ફાફડા-જબેલી અને સેવઉસળની દુકાન હાઉસફુલ 

ગુજરાતમાં ફાફડા-જલેબી-મીઠાઇની પરંપરા

આડે દશેરાના પર્વ નિમિત્તે રાજ્યભરમાં ઉજવણી કરવામાં આવી રહી છે. ગુજરાતમાં આ પર્વના દિવસે ફાફડા જલેબી અને મીઠાઇનું મોટા પ્રમાણમાં વેચાણ થાય છે. જેને લઇને વહેલી સવારથી અમદાવાદ, સુરત-વડોદરા અને રાજકોટમાં દુકાનોમાં લાઇનો જોવા મળી છે. 

અમદાવાદમાં અંદાજે 7 કરોડના ફાફડા જલેબીનું વેચાણ

જો અમદાવાદ એકલા શહેરની વાત કરીએ તો અંદાજે 7 કરોડના ફાફડા-જલેબી શહેરીજનો આરોગી જશે. જો કે આજ સવારથી શહેરના બોડકદેવ, વસ્ત્રાપુર, એસ.જી. હાઇવેની ફાફડાની દુકાનો પર લાંબી લાઇનો જોવા મળી છે. 

સુરત, રાજકોટ અને વડોદરાવાસીઓ પણ પાછળ નહીં

દશેરાએ ગુજરાતમાં ફાફડા જલેબી ખાવની પરંપરામાં રાજ્યના મુખ્ય શહેરો એકબીજા સાથે હરીફાઇ કરતાં જોવા મળે છે. જેમાં એકલા અમદાવાદમાં અંદાજે 7 કરોડના ફાફડા જલેબીનું વેચાણ થાય તેવી સંભાવના છે. જ્યારે સુરતમાં 5 કરોડ, રાજકોટમાં 2 કરોડના વેચાણનો અંદાજ છે. જ્યારે વડોદરામાં ફાફડા-જલેબીની સાથે સેવઉસળની દુકાનમાં પણ લાઇન જોવા મળે છે.