ધર્મ / દશેરા પર આ બે છોડની પૂજાથી દરેક મનોકામના થશે પુરી, મળશે સુખ-સમૃદ્ધિનું વરદાન

• સનાતન પરંપરામાં વૃક્ષો અને છોડને માનવામાં આવે છે પૂજનીય 
• વિજયાદશમીના દિવસે કરો આ છોડની પૂજા 
• મનની ઈચ્છા પુરી થવાની સાથે મળશે સુખ-સમૃદ્ધિના આશીર્વાદ

પ્રકૃતિમાં જોવા મળતા તમામ પ્રકારના છોડને હિન્દુ દેવી-દેવતાઓની જેમ પૂજનીય માનવામાં આવે છે. સનાતન પરંપરા અનુસાર દેવતુલ્ય વૃક્ષો અને છોડ આપણને ખાવા-પીવા અને જીવન માટે તમામ પ્રકારની સામગ્રી જ પ્રદાન કરે છે, પરંતુ તેમની પૂજા અને સેવાથી પણ સુખ અને સૌભાગ્યની પ્રાપ્તી થાય છે. 

આજે દશેરાના દિવસે લજામણી અને અપરાજિતાનો છોડ એટલે કે શંખપુષ્પીના છોડની પૂજા ખૂબ જ શુભ અને ફળદાયી માનવામાં આવે છે, જેની પૂજા કરવાથી વ્યક્તિના જીવન સાથે જોડાયેલી તમામ પરેશાનીઓ દૂર થાય છે અને મનોકામનાઓ પૂર્ણ થાય છે. આવો જાણીએ પવિત્ર અને પૂજનીય ગણાતા આ બે છોડની પૂજા સાથે સંબંધિત ઉપાયો.

ભગવાન રામે પણ કરી હતી શમીના છોડની પૂજા 
શમીના છોડને હિન્દુ ધર્મમાં ખૂબ જ પવિત્ર અને પૂજનીય માનવામાં આવે છે. એવું માનવામાં આવે છે કે રાવણને મારતા પહેલા ભગવાન રામે તે દિવસે શમીની પૂજા કરી હતી. એવું માનવામાં આવે છે કે વિજયાદશમીના દિવસે જે વ્યક્તિ વિધિ-વિધાનથી શમીની પૂજા કરે છે, તેને આખું વર્ષ દુશ્મનોનો ભય નથી રહેતો અને તે પોતાના જીવનના તમામ પડકારોને પાર કરી લે છે.

શમીની પૂજાથી દૂર થશે શનિદોષ
શમીના છોડનું માત્ર ધાર્મિક જ નહીં પરંતુ જ્યોતિષીય મહત્વ પણ છે. એવું માનવામાં આવે છે કે દશેરાના દિવસે ભગવાન રામ દ્વારા પૂજન કરવામાં આવતા શમીના છોડની પૂજા કરવાથી વ્યક્તિની કુંડળીમાં સ્થિત શનિ દોષ દૂર થાય છે. 

જ્યોતિષશાસ્ત્રમાં શમીના મૂળને કિંમતી પથ્થર નીલમ જેટલું ફળદાયી માનવામાં આવે છે. આવી સ્થિતિમાં તેને ધારણ કરવાથી પણ વ્યક્તિના જીવનમાંથી શનિ સંબંધિત અવરોધો દૂર થઈ જાય છે અને તેને સુખ અને સૌભાગ્ય પ્રાપ્ત થાય છે.

અપરાજિતાની પૂજાથી દરેક ક્ષેત્રમાં મળશે વિજય
શમીની જેમ જ દશેરાના દિવસે અપરાજિતાના છોડની પૂજા કરવી પણ ખૂબ જ શુભ અને લાભકારી માનવામાં આવે છે. આ દિવસે અપરાજિતા છોડ અને અપરાજિતા દેવીની વિશેષ પૂજા કરવી જોઈએ. એવી માન્યતા છે કે દશેરાના દિવસે ઘરમાં અપરાજિતાના છોડનું વાવેતર અને પૂજા કરવાથી જીવનમાં આવતા તમામ પ્રકારના અવરોધો દૂર થઈ જાય છે અને આખું વર્ષ ઘરમાં સુખ, શાંતિ અને સમૃદ્ધિ બની રહે છે. 

અપરાજિતાનો છોડ હંમેશા ઘરની પૂર્વ, ઉત્તર અને ઉત્તર-પૂર્વ દિશામાં લગાવવો જોઈએ અને તેની પૂજા કરવી જોઈએ. એવું માનવામાં આવે છે કે જે ઘરમાં અપરાજિતાનો છોડ હોય છે, ત્યાં હંમેશા ધનની દેવી લક્ષ્મીનો વાસ રહે છે.