પ્રતિક્રિયા / દુષ્યંત ચૌટાલાનો રાહુલ ગાંધી ઉપર પલટવાર; કહ્યું કૃષિનો 'ક' આવડતો નથી અને ખેડૂતોને...

હરિયાણાના ઉપમુખ્યમંત્રી દુષ્યંત ચૌટાલાએ ખેતીના નવા કાયદાનો વિરોધ કરતા રાહુલ ગાંધી ઉપર આકરા પ્રહાર કર્યા હતા. 

તેમણે કહ્યું હતું કે રાહુલ ગાંધીને કૃષિના પહેલા અક્ષર 'ક'નું પણ જ્ઞાન નથી અને તેઓ ખેડૂતોને ભડકાવવા માટે નીકળી પડ્યા છે. દુષ્યંત ચૌટાલાએ એમ પણ કહ્યું કે પંજાબ અને હરિયાણાની મુલાકાતે આવેલા રાહુલ ગાંધી પાસે કેન્દ્ર સરકારે લાગુ કરેલા 3 નવા કૃષિ કાયદાઓ વિષે પુરી જાણકારી પણ નથી.

ખેડૂતોને લગતા દરેક પ્રશ્નોના જવાબ આપવા તૈયાર

ચાર દિવસથી આખા રાજ્યમાં ડાંગર 2100 રૂપિયા પ્રતિ ક્વિન્ટલ વેચાઇ રહી છે, જ્યારે કપાસ પણ સારા ભાવે વેચાઇ રહી છે. દુષ્યંત ચૌટાલાએ રવિવારે સિરસા સ્થિત તેમના નિવાસસ્થાને પત્રકારો સાથેની વાતચીત દરમિયાન કહ્યું હતું કે વિપક્ષ દ્વારા આ મુદ્દે રાજકારણ કરવામાં આવી રહ્યું છે. તેઓ ખેડૂતોને લગતા દરેક પ્રશ્નોના જવાબ આપવા તૈયાર છે. 

ખેડૂતો માટે દરવાજા હંમેશા માટે ખુલ્લા

6 ઓક્ટોબરના રોજ ખેડૂતોએ તેમના મકાનોને ઘેરી લેવાના પ્રશ્ન મુદ્દે દુષ્યંત ચૌટાલાએ કહ્યું હતું કે તેમના ઘરના દરવાજા ખેડૂતો માટે હંમેશા ખુલ્લા છે. તેઓ ખુદ ખેડૂત છે અને તે ખેડૂતોના દરેક સવાલનો જવાબ આપવા તૈયાર છે. તેમણે એમ પણ કહ્યું હતું કે આગામી રવી પાકની સીઝનના ઘઉંના પાક પર ક્વિન્ટલ દીઠ 50 રૂપિયા બોનસ આપીને, સ્પષ્ટ કરવામાં આવ્યું છે કે ખેડુતોના પાકની લઘુતમ ટેકાના ભાવે ખરીદી કરવામાં આવશે.