ઈમોશનલ / રણબીર કપૂર અચાનક થઈ ગયો ભાવુક, દિલ ખોલીને કરી બધી વાત, કહ્યું આમાંથી કોઈ એકને ગુમાવી દો ત્યારે..

• રણબીર ફિલ્મ 'તું જૂઠ્ઠી મેં મક્કાર' નાં પ્રમોશનમાં વ્યસ્ત
• છેલ્લા ત્રણ વર્ષનાં કિસ્સાઓ કર્યાં યાદ
• પિતા ઋષિ કપૂર પર પ્રથમ વખત કરી વાત 

બોલીવૂડ અભિનેતા રણબીર કપૂર આ દિવસોમાં તેની આગામી ફિલ્મ 'તુ જૂઠ્ઠી મેં મક્કાર'ના પ્રમોશનમાં વ્યસ્ત છે. ફિલ્મની રિલીઝ પહેલા રણબીરે છેલ્લા ત્રણ વર્ષમાં તેના જીવનમાં આવેલા બદલાવ અને ફેરફાર વિશે પણ વાત કરી હતી. આ દરમિયાન પહેલીવાર રણબીર કપૂરે તેના પિતા ઋષિ કપૂરને ગુમાવવા પર વાત કરી હતી.

જીવન સમજવામાં મદદ કરે છે- રણબીર
રણબીર કપૂરે કહ્યું, કોઈ વ્યક્તિના જીવનમાં સૌથી મોટી વાત ત્યારે હોય છે  જ્યારે તમે તમારા માતા-પિતામાંથી કોઈ એકને ગુમાવો છો. ખાસ કરીને જ્યારે તમે તમારા જીવનમાં 40ની નજીક આવો છો, આ એ સમય છે જ્યારે સામાન્ય રીતે આવું કંઈક થાય છે. કોઈ પણ તમને આ માટે તૈયાર નથી કરતું, પરંતુ આવી ઘટના કુટુંબને નજીક લાવે છે. તે તમને જીવનને સમજવામાં મદદ કરે છે.

'પરંતુ આ જ જીવન છે, બરાબર ને ?'
અભિનેતાએ કહ્યું, તેનાથી ઘણી સારી અને ખરાબ વસ્તુઓ નિકળે છે… મને એક દિકરીના આશીર્વાદ મળ્યા છે. મને ગયા વર્ષે જ આલિયા સાથે લગ્ન કરવાનું સૌભાગ્ય મળ્યું છે. ઉતાર-ચઢાવ આવ્યા છે... પરંતુ આ જ જીવન છે, બરાબર ને ? અભિનેતા રણબીરનું  માનવું છે કે તેને એ જાણવામાં વર્ષો લાગશે કે ઈમોશનલ જર્નીનું તેના ક્રાફ્ટ પર શું અસર પડે છે. 

'બ્રહ્માસ્ત્રની શૂટિંગ દરમિયાન...'
તેણે કહ્યું, આ એક કલાકાર તરીકે તમને પ્રભાવિત કરે છે, પરંતુ મને લાગે છે કે કોઈ તેને તરત જ કહી શકે નહીં. કદાચ થોડા વર્ષો પછી... જ્યારે મારા પિતા કેન્સરથી પીડિત હતા અને સારવાર લઈ રહ્યા હતા, તે સમયે હું બ્રહ્માસ્ત્ર અને શમશેરા પર કામ કરી રહ્યો હતો.  હવે જ્યારે હું 'બ્રહ્માસ્ત્ર' જોઉં છું, તો અદ્ભુત યાદો હોય છે પરંતુ કેટલાક દ્રશ્યો દેખાય છે અને મને કેટલીક ક્ષણો યાદ આવે છે... જેમ કે 'ઓહ! આ સમયે  તેમની કીમોથેરાપી ચાલતી હતી અથવા વેન્ટિલેટર પર હતા... પરંતુ તે તમારી મદદ કઈ રીતે કરે છે મને વાસ્તવમાં કેટલાક વર્ષો સુધી તેનો ખ્યાલ નહોતો. 

ફિલ્મનાં પ્રમોશનમાં વ્યસ્ત છે રણબીર
વર્ક ફ્રન્ટની વાત કરીએ તો તેની આગામી રિલીઝ રોમેન્ટિક કોમેડિ ફિલ્મ 'તુ જૂઠ્ઠી મેં મક્કાર' છે.  લવ રંજન દ્વારા નિર્દેશિત ફિલ્મ   2013ની યે જવાની હૈ દીવાની બાદ અભિનેતાની   રોમકોમમાં વાપસીનું પ્રતીક છે. જ્યારે તે રોમેન્ટીક કોમેડી કરી ચૂક્યો હતો, અભિનેતાએ કહ્યું એ વિચારને જવા ન દઈ શકતો હતો જે લવ રંજને તેને સંભળાવ્યો હતો. આ લેખક-નિર્દેશના ટ્વિસ્ટેડ લેખન હતું જેણે તેને આકર્ષિત કર્યો.