હાઈકોર્ટ ઝાટકણી / ઉધારની સામે રેમડેસિવિર લેવાના કેસમાં ગુજ. હાઈકોર્ટ પોલીસથી નારાજ, કહ્યું નોટબંધીમાં પણ ગરીબો બીજા વતી...

• ઉધાર રેમડેસિવિર ઇન્જેક્શન કેસ મુદ્દે સુનાવણી
• હાઈકોર્ટે ગૃહવિભાગએ કર્યા વેધક સવાલ
• યુનિફોર્મ પોલિસી બનાવવી જરૂરી : હાઈકોર્ટે

બીજી લહેર વચ્ચે રેમડેસિવિર ઇન્જેક્શન મુદ્દે જેની પાસેથી ઇન્જેક્શન મળ્યા તેમાં સીધી પાસા એકટ પ્રમાણે કાર્યવાહી થતાં હાઈકોર્ટે ફરી એકવાર સત્તાધીશોની ઝાટકણી કાઢી છે.પોલીસના પાસા અંગેના વલણ અંગે ગુજરાત હાઇકોર્ટ સખત નારાજ દેખાઈ રહી છે.  ગૃહ વિભાગને નોટિસ ફટકારી  આ અંગે ખુલાસો કરવાનો આદેશ કર્યો છે.

ઉધાર આપેલ રૂપિયાની બદલામાં રેમડેસિવિરનો કેસ

કોરોનાની બીજી લહેર વખતે એપ્રિલ મહિનામાં બનાવટી ઇન્જેક્શન મુદ્દે થયેલી પાસાની દરખાસ્તને નરોડાના નિતેશ જોશીએ સીધી હાઇકોર્ટમાં પડકારી છે. કોરોના કાળ વખતે ડોકટરોને વાયરસથી રક્ષણ આપતી પીપીઈ કીટ સરકારમાં સપ્લાય કરવાનો ધંધો કરતાં જેમાં રૂપિયાની જરૂર પડતાં 5 લાખ ઉછીના લીધા હતા. પરંતું સંજોગોવસાત એ રકમ પરત નહીં કરી શકતા તેમની પાસે પડેલા રેમડેસિવિર ઈંજેક્શન રૂપિયાના બદલામાં આપવાનો સોદો પાડ્યો હતો. જેમાં 5400ની કિમંતના રેમડેસિવિર ઇન્જેક્શનો તે સમયની માંગ પ્રમાણે 12000 રૂપિયા સુધી વેચતા હતા જેથી તેની કિમત પણ 12000 લેખે ગણી હતી,  આ પ્રમાણેનો સોદો કરી નીતિશ ઉધારી સામે રેમડેસિવિર ઈંજેક્શન આપવાનો સોદો કર્યો હતો જે માટે 
વસ્ત્રાપુરમાં આવેલી હયાત હોટેલમાં રોકાયો હતો જ્યાં લેણદારને હોટેલ હયાતમાં બોલાવીને રોકડાના બદલે રેમડેસિવિરના ઇન્જેક્શન સુપરત કરાયા હતા. પોલીસે રેમડેસિવિર લઇને બહાર જનાર મુનાફની ધરપકડ કરી હતી ત્યારબાદ તેની સામે પાસા કરવી કે ના કરવી તેની વિચારણા ચાલતી હોવાથી આરોપીએ પ્રી ડીટેન્શન અરજી કરી હતી.જસ્ટિસ પરેશ ઉપાધ્યાયે એવી ટકોર કરી હતી કે આ કેસ નકલી ઇન્જેક્શનનો કેવી રીતે બની જાય ? FIRમાં નકલી રેમડેસિવિર ઇન્જેક્શનનો ઉલ્લેખ કરવામાં આવ્યો છે. આખા કેસમાં નકલી ઇન્જેક્શનની કોઇ વાત જ નથી. તો પાસા કેમ થઈ શકે?

હાઈકોર્ટે સત્તાધીશોને સીધા સવાલ કર્યા

1 નોટબંધીમાં ગરીબો બીજા વતી લાઇનમાં ઉભા હતા
2 કોરોનાકાળમાં રેમડેસિવિર માટે દર્દીના સગાઓ લાઇનમાં હતા
3 તમે બીજા વતી ઉભેલા લોકોને પાસા કરો છો?
4 ઇન્જેક્શન માટે હોસ્પિટલ સિવાય વ્યવસ્થા ન હોવી જોઇએ
5 કોરોનાકાળમાં જીવનજરૂરી વસ્તુ લેવા બહાર નીકળેલા મજૂરોને પીડિત કહેવાય કે આરોપી?
6 ઉધારની સામે રેમડેસિવિર લેવાના કેસમાં પાસાની ફરિયાદ
7 શું રેમડેસિવિર ઈજેક્શન નકલી હતા? અને જો નકલી ન હતા તો પાસા કેમ?
8 અનેક સવાલો કરી ગૃહ વિભાગને નોટિસ ફટકારી માગ્યો જવાબ

યુનિફોર્મ પોલિસી બનાવવી જરૂરી : હાઈકોર્ટે 

કોરોનાની બીજી લહેર વખતે જો રેમડેસિવિર ઇન્જેક્શની વહેંચણી અને વ્યવસ્થા સરખી રીતે કરવામાં આવી હોત તો નકલી અને અસલી મામલે પ્રશ્નો જ ઊભા ન થાત. સરકારે અધિકારીઓ સાથે બેસીને ઇન્જેક્શનની વહેંચણી માટે યુનિફોર્મ પોલિસી રચવાની જરૂર છે.સરકાર આ પોલીસી અંગે પણ જવાબ રજૂ કરવાનું કહ્યું છે સાથે 

જવાબદાર લોકોને સોપવામાં સરકારે પૂરતી કાળજી રાખી હોત તો આ સ્થિતિ ન બની હોત. સત્તા ન હોય તેમના દ્વારા ઇન્જેકશનની વહેંચણી થઇ તેથી ઘણા પ્રશ્નો ઉભા થયા છે. સરકાર, ઉચ્ચ સત્તાધીશોએ ઇન્જેક્શનની વહેંચણી માટે યુનિફોર્મ પોલિસી બનાવવી જરૂરી છે. સરકારે આ પોલિસી અંગે જવાબ રજૂ કરે. તેમજ કેસની સુનાવણી દરમિયાન મહત્વના સૂચક નિવેદન પણ કર્યા હતા કે પોલીસ કમિશનરને ખ્યાલ છે કે સત્તાધીશોએ આ શું કર્યુ છે? સમગ્ર કેસની વધુ સુનાવણી 9 સપ્ટેમ્બરે કરવામાં આવશે.ત્યા સુધી આરોપી સામે કોઇ પગલા લેવામાં આવશે નહીં