સતત નવ દિવસ સુધી ઉપવાસ કરવો તે ખૂબ જ પડકારજનક છે. તેથી ઉપવાસ દરમિયાન શરીરને પૂરતું પોષણ આપવા માટે આ વસ્તુઓનું સેવન કરો.
નવરાત્રીમાં ઉપવાસ કરો છો?
આ રીતે ઉપવાસમાં રાખો સ્વાસ્થ્યનું ધ્યાન
નહીં આવે અશક્તિ
નવરાત્રીનો તહેવાર ચાલી રહ્યો છે અને આ દરમિયાન ઘણા લોકો નવ દિવસ ઉપવાસ રાખે છે. જો કે ઉપવાસ કરવા શરીર માટે ઘણા ફાયદાકારક છે. પરંતુ તે ખૂબ જ મુશ્કેલ કાર્ય પણ છે. સતત નવ દિવસ સુધી ઉપવાસ રાખવા એ ખૂબ જ પડકારજનક છે. તેથી એ સુનિશ્ચિત કરવું જોઈએ કે ઉપવાસ દરમિયાન પણ શરીરને પૂરતું પોષણ મળે.
જો તમારા શરીરને પૂરતું પોષણ નહીં મળે તો તમને થાક, ચક્કર, કબજિયાત, ડિહાઇડ્રેશન જેવી સમસ્યાઓ થઈ શકે છે. આવી સ્થિતિમાં અમે તમને એવા 5 ફૂડ્સ જણાવી રહ્યા છીએ જે થાક અને નબળાઈને દૂર રાખી શકે છે.
કેળા અખરોટની લસ્સી
જો તમે ઉપવાસ દરમિયાન થાક અને ચક્કર અનુભવો છો તો કેળા-અખરોટની લસ્સી તમને ચોક્કસપણે મદદ કરશે. તે તમને તરત ઉર્જા અને તાજગી આપશે. વધુમાં લસ્સીમાં અખરોટ ટોટલ ન્યૂટ્રિશનલ વેલ્યુમાં વધારો કરે છે. તેને બનાવવા માટે તેમાં 2 કપ દહીં, 1 કેળું, 2 ચમચી મધ અને 5 અખરોટ ઉમેરો. તેને પ્રોસેસરમાં સ્મૂધ અને ક્રીમી થાય ત્યાં સુધી બ્લેન્ડ કરો.
લીંબુનું શરબત
ઉપવાસ દરમિયાન લીંબુનું શરબત તમને ઘણી મદદ કરી શકે છે. તે તમારા બોડી સોલ્ટને ફરી ભરવાની સાથે આવશ્યક વિટામિન્સ અને મિનરવ આપે છે. ડીહાઈડ્રેશનથી બચવા માટે લીંબુનું શરબત એક શાનદાર પીણું છે.
તેનાથી તમને તાજગી મળશે અને તમે થાક અનુભવશો નહીં. લીંબુનો શરબત બનાવવા માટે 4 ચમચી લીંબુનો રસ, 8 ચમચી ખાંડ અને 1 ચમચી સિંધાલૂણ લો. હવે તેમાં 6 કપ પાણી ઉમેરો, મિક્સ કરો અને સર્વ કરો.
મિક્સ ફ્રૂટ સ્મૂધી
ઉપવાસ દરમિયાન ફળની સ્મૂધી તમને ઉર્જા અને તાજગીથી ભરી દેશે. ફક્ત 1 સમારેલી કીવી, પપૈયાના 2-3 ટુકડા, તરબૂચના 2 ટુકડા, થોડી દ્રાક્ષ, એક ગ્લાસ દૂધ અને 1 ચમચી મધ ઉમેરો. બધી સામગ્રીને બ્લેન્ડરમાં નાખો અને તેને સારી રીતે બ્લેન્ડ કરો.
ગોડ મખાનાના લાડવા
ગોળ મખાનાના લાડુ પ્રોટીન, કાર્બોહાઇડ્રેટ અને એનર્જીનો સારો સ્ત્રોત છે. એક પેનમાં 2 ચમચી ઘી ગરમ કરો. 2.5 કપ મખાનાને શેકી લો. એ જ પેનમાં મગફળી નાખીને તે ક્રિસ્પી થાય ત્યાં સુધી શેકો. બંનેનો દાણેદાર પાવડર કરી બાજુ પર રાખો. હવે ગોળને થોડા પાણીથી ગરમ કરો અને તેને સંપૂર્ણપણે ઓગળવા દો. હવે મખાના અને સીંગદાણા પાવડર ઉમેરો. 2 મિનિટ શેકો અને પછી ગેસ બંધ કરી દો. હવે તેમાં ઘી ઉમેરીને લાડુ બનાવો.
મિક્સ ફ્રૂટ જ્યુસ
મિક્સ ફ્રૂટ જ્યુસ સ્વાદ અને પોષક તત્વોથી ભરપૂર હોય છે. તે ઉપવાસમાં તમારી નબળાઈ દૂર કરશે. ફક્ત 1 સમારેલું સફરજન, 4 નારંગી, 2 કપ દ્રાક્ષ અને 1 સમારેલી કીવીને મિક્સરમાં નાખીને 2 મિનિટ માટે બ્લેન્ડ કરો. જો જરૂરી હોય તો ખાંડ ઉમેરો અને એક મિનિટ માટે મિક્સ કરો.