યુપીમાં કાનપુરના કાકાદેવ પોલીસ સ્ટેશન હદ વિસ્તારમાં ચૂંટણીને લઈને થઈ રહેલા ચેકીંગ દરમિયાન એક વાનમાંથી પાંચ કરોડ રૂપિયા રોકડા ઝડપાયા છે. તો વળી સ્વરૂપ નગર વિસ્તારમાંથી પોલીસને 1 કરોડથી વધારે રોકડા મળ્યા છે. પોલીસે આ મામલાની તપાસ કરી રહી છે.
યુપીમાં કાનપુરના કાકાદેવ પોલીસ સ્ટેશન હદ વિસ્તારમાં ચૂંટણીને લઈને થઈ રહેલા ચેકીંગ દરમિયાન એક વાનમાંથી પાંચ કરોડ રૂપિયા રોકડા ઝડપાયા છે. તો વળી સ્વરૂપ નગર વિસ્તારમાંથી પોલીસને 1 કરોડથી વધારે રોકડા મળ્યા છે. પોલીસે આ મામલાની તપાસ કરી રહી છે. ઈન્કમ ટેક્સની ટીમ ઘટનાસ્થળે પહોંચીને તપાસ કરી રહી છે.
કાનપુરની ત્રણ જગ્યાએ રોકડ જપ્ત કરી
પોલીસે સૌથી પહેલા કાનપુરના કાકાદેવ એરિયામાં સીએમએસ કંપનીની ગાડીમાંથી પાંચ કરોડથી વધારે રોકડા જપ્ત કર્યા હતા. કંપનીના લોકોનું કહેવું છે કે, આ રોકડ કાનપુર વિજળી કંપની કેસ્કોનું કલેક્શન છે. જે બેંકમાં લઈ જવાનું હતું. જો કે, પોલીસને ઘટનાસ્થળેથી આ સંબંધિત કોઈ દસ્તાવેજો મળ્યા નથી.
ત્યાર બાદ બીજી રોકડ સ્વરૂપ નગરમાંથી આવી છે. અહીં કંપનીની ગાડીમાંથી કાગળ વગરના 1 કરોડ 74 હજાર પકડાયા છે. આ સિક્યોરિટી વાહનમાં ચાર કર્મચારી હતા.
એટીએમ માટે જઈ રહ્યા છે આ કૈશ
વાહનમાં બેઠેલા કર્મચારીઓનું કહેવું હતું કે, આ પૈસા બૈંકોમાં એટીએમ માટે લઈ જવામાં આવી રહ્યા હતાં. પણ પોલીસને ઘટનાસ્થળેથી કોઈ કાગળ મળ્યા નહીં. એક અન્ય પ્રાઈવેટ ગાડીમાં પોલીસને 6 લાખ રૂપિયા રોકડા મળ્યા છે. જો કે, તેમની પાસેથી પણ રોકડ લઈ જતાં કોઈ કાગળ મળ્યા નહોતા. સિક્યોરિટી કંપનીના અધિકારીએ ઘટનાસ્થળે પહોંચ્યા હતાં. તેઓ કેમેરા પર કંઈ બોલવા તૈયાર નહોતા. પણ તેને કહ્યું હતું કે, આ રૂપિયા એકદમ લિગલ છે. અમે કાગળ પોલીસને બતાવી દઈશું.
ઈન્કમ ટેક્સ ઓફિસર કરી રહ્યા છે તપાસ
આ બાજૂ ડીસીપી મૂર્તિનું કહેવું છે કે, શહેરના ત્રણ અલગ અલગ વિસ્તારમાંથી સાત કરોડ રૂપિયાથી વધારેનું રોકડ મળ્યું છે. ઘટનાસ્થળેથી કોઈ દસ્તાવેજો મળ્યા નથી. અમે ઈન્કમ ટેક્સને સૂચના આપી છે. તેની તપાસ હાલમાં ચાલી રહી છે.