ઘરેલૂ ઉપાય / બદલાતી સીઝનમાં દવાઓને કહો 'ના', રસોડાની આ 5 વસ્તુઓ કરશે મદદ

• બદલાતી સીઝનમાં દવાઓને કહો 'ના'
• રસોઈની ચીજો કરશે તમારી મદદ
• એન્ટીબાયોટિક્સની મદદથી ક્યોર થશે સામાન્ય તકલીફો

બેક્ટેરિયાના ઈન્ફેક્શનથી લડવામાં અસરદાર છે લસણ

એન્ટી બેક્ટેરિયલ પ્રોપર્ટી, બીમારીઓને રોકવાની ક્ષમતા અને ઔષધિય ગુણોના કારણે લસણનો ઉપયોગ આજથી જ નહીં સદીઓથી થઈ રહ્યો છે. બેક્ટેરિયલ ઈન્ફેક્શનથી લડવામાં લસણ અસરદાર છે. લસણમાંથી મળનારું કમ્પાઉન્ટ એલિસિન, સેલ્મોનેલા અને ઈ કોલાઈ ખતરનાક બેક્ટેરિયાને પણ દૂર કરે છે. જરૂર કરતાં વધારે લસણ પણ ખતરનાક સાબિત થાય છે. રોજ લસણની 2થી વધારે કળી ખાવી નહીં. જો કોઈ બીમારી હોય તો ડોક્ટરની સલાહ બાદ જ ખાવું.

એન્ટીબાયોટિકમાં સદીઓથી ચાલતું આવે છે મધ

મધ મીઠું હોય છે પણ સૌથી જૂનું અને ફાયદાકારક એન્ટિબાયોટિક હોય છે. તેનો ઉપયોગ સદીઓથી થતો આવ્યો છે. લાંબા સમયથી કોઈ ઘા રૂઝાતો ન હોય તો તેને ક્યોર કરવામાં, સ્કીન દાઝી જાય તો તેને ઠીક કરવામાં, અલ્સર, સ્કીન પ્રોબ્લેમ અને અન્ય બેક્ટેરિયલ ઈન્ફેક્શનને રોકવામાં પણ તેને અસરરૂપ માનવામાં આવે છે. 

એન્ટીઓક્સીડન્ટથી ભરપૂર છે હળદર

હળદરમાં કર્ક્યુમિન નામનું તત્વ હોય છે જે એન્ટીઓક્સીડન્ટનું કામ કરે છે. આ એન્ટી ઇન્ફલેમેટ્રી પ્રોપર્ટીથી ભરપૂર હોય છે. હળદર શરીરમાં ફ્રી રેડિકલ્સના કારણે થનારા નુકસાનને રોકે છે. સાથે જ હળદરનું સેવન કરવાથી શરીરમાં ફેલાતી બીમારીને રોકવા માટે અને બેક્ટેરિયાને રોકવામાં મદદ કરે છે. તે ફંગસ અને ટ્યૂમર સેલ્સના ગ્રોથને પણ રોકે છે.

બેક્ટેરિયા સામે લડે છે આદુ

એન્ટી બેક્ટેરિયલ અને એન્ટી ઇન્ફ્લેમેટ્રી પ્રોપર્ટીથી ભરપૂર હોય છે. તેને એક પાવરફૂલ નેચરલ એન્ટી બાયોટિક ગણવામાં આવે છે. આદુનું જીન્જેરોલ એન્ટી માઈક્રોબિયલ પ્રોપર્ટી છે જે માઈક્રોબ્સ અને બેક્ટેરિયાથી લડવામાં મદદગાર હોય છે. બેક્ટેરિયાથી લડવાની સાથે જ આદુ જીવ ગભરાવવા અને ઉલ્ટી આવવાની સમસ્યાને પણ દૂર કરે છે. 

બેક્ટેરિયાથી લડવામાં ફાયદારૂપ છે લવિંગ

લવિંગને સદીઓથી દાંતની સમસ્યાઓ સાથે જોડીને જોવામાં આવે છે. ક્લોવ વોટર એક્સટ્રેક્ટ એટલે લવિંગનું પાણી ઈ-કોલાઈ જેવા ખતરનાક બેક્ટેરિયાની વિરુદ્ધમાં અસરદાર છે. લવિંગને નેચરલ એન્ટીબાયોટિકના રૂપમાં ગણવામાં આવે છે.