ભેટ / ગીફટમાં આપ્યું લેપટોપ, ભારત જોડો યાત્રા પર નીકળેલ રાહુલ ગાંધીએ બાળકનું વચન કર્યું પૂર્ણ

• કોંગ્રેસ સાંસદ રાહુલ ગાંધીએ પૂરું કર્યું વચન
• ભારત જોડો યાત્રામાં એક બાળકનું સપનું પૂર્ણ કર્યું 
• રાહુલે એક બાળકને ભણવામાટે લેપટોપ ગિફ્ટ કર્યું 

કોંગ્રેસ સાંસદ રાહુલ ગાંધી તેમની ભારત જોડો યાત્રા દરમિયાન વધુ એક વચન પૂર્ણ કરતા જોવા મળ્યા હતા. રાહુલે એક બાળકને લેપટોપ ગિફ્ટ કર્યું જેથી વાંચવામાં કોઈ તકલીફ ન પડે.

શું છે સમગ્ર મામલો
વાસ્તવમાં આ દિવસોમાં મહારાષ્ટ્રમાં ભારત જોડી યાત્રા ચાલી રહી છે. પદયાત્રા દરમિયાન રાહુલ સેંકડો લોકોને મળી રહ્યા છે. આ બેઠકો દરમિયાન રાહુલ ગાંધી એક વિદ્યાર્થીને મળ્યા હતા. આ બાળકે રાહુલને કહ્યું કે તે સોફ્ટવેર એન્જિનિયર બનવા માંગે છે, પરંતુ તેની પાસે કોમ્પ્યુટર પણ નથી, ત્યારબાદ રાહુલે તેને વચન આપ્યું હતું કે તે તેને જલ્દી કોમ્પ્યુટર અપાવી દેશે.

Congress President Shri @Kharge, in the presence of Shri @RahulGandhi handed over a PC to Sarvesh Hatne, a young tech enthusiast & Padyatri. A little gesture from our end to help him discover more.#BharatJodoYatra pic.twitter.com/tplCJxLIKf

— Congress (@INCIndia) November 11, 2022

અને વચન પૂરું કર્યું
બાળકને મળ્યાના બીજા જ દિવસે રાહુલ ગાંધીએ બાળકને લેપટોપ ગિફ્ટ કર્યું હતું. આ અંગે કોંગ્રેસે પાછળથી સર્વેશ અને તેના મિત્ર સાથે રોડ કિનારે બેઠેલા રાહુલ ગાંધીનો વીડિયો પોસ્ટ કર્યો હતો. આ દરમિયાન રાહુલ ગાંધી બાળકને લેપટોપનો ઉપયોગ કેવી રીતે કરવો તે કહી રહ્યા છે.

પિતાને યાદ કર્યા
બાળકને લેપટોપ આપ્યા બાદ રાહુલ ગાંધીએ ફેસબુક પોસ્ટમાં પિતા રાજીવ ગાંધીને યાદ કરતા કહ્યું કે તેઓ હંમેશા આધુનિક ટેક્નોલોજી વિશે ઉત્સુક હતા. તેણે લખ્યું- "પાપાએ એકવાર કહ્યું- 'હું યુવાન છું, અને મારું પણ એક સ્વપ્ન છે'. ચાલો હું તમને તેમના વિશે, તેમના સપનાઓ અને ગઈકાલે આ ચાર યુવાનો સાથે કરેલી અદ્ભુત વાતચીત વિશે થોડું વધુ કહું. પાપા હંમેશા ઉત્સુક રહેતા હતા. આધુનિક ટેક્નોલોજી વિશે અને તેનો ઉપયોગ ભારતના ફાયદા માટે કેવી રીતે થઈ શકે તે જાણવા માટે. પપ્પાને કોમ્પ્યુટર ખૂબ જ વહાલા હતા! અને તેઓ ભારતને 21મી સદીમાં લઈ જવા માંગતા હતા. યુવા શક્તિને ચેનલાઇઝ કરવા માટે હંમેશા નવી યોજનાઓની ઉત્સાહપૂર્વક ચર્ચા કરતા હતા.