અનુષ્કા શર્મા અને રણબીર કપૂરે ફિલ્મ એ દિલ હૈ મુશ્કિલમાં સાથે કામ કર્યું હતું. આ ફિલ્મના શૂટિંગ દરમિયાન અનુષ્કાએ રણબીરને લાફો મારી દીધો હતો.
અનુષ્કાએ માર્યો હતો રણબીરને લાફો
ગુસ્સામાં લાલચોળ થઈ ગયો હતો રણબીર
આ કારણે માર્યો હતો અનુષ્કાએ લાફો
રણબીર કપૂર અને અનુષ્કા શર્માનું બોન્ડિંગ ઘણું સારું છે. બં નેએ ફિલ્મ 'એ દિલ હૈ મુશ્કિલ' અને 'બોમ્બે વેલ્વેટ'માં સાથે કામ કર્યું હતું. પરંતુ શું તમે જાણો છો કે એકવાર રણબીર 'એ દિલ હૈ મુશ્કિલ'ના સેટ પર અનુષ્કાથી ગુસ્સે થઈ ગયો હતો. આ વાત ફિલ્મના એક બિહાઈન્ડ ધ સીન વીડિયોમાં સામે આવી છે.
અનુષ્કાએ રણબીરને માર્યા હતા લાફા
રણબીરને ઘણી વાર લાફો ખાવો પડ્યો હતો. આ સીનને પરફેક્ટ રીતે કરવા માટે અનુષ્કાએ ખરેખર તેને ખૂબ થપ્પડ માર્યા હતા. જેના કારણે રણબીર તેનાથી નારાજ થઈ ગયો હતો. વીડિયોમાં રણબીર ગુસ્સામાં અનુષ્કાને કહે છે - મેં તને કહ્યું હતું કે આવું ન કર આ મજાક નથી. ત્યારે અનુષ્કા તેને કહે છે શું તુ ખરેખર ગુસ્સે છે? તેના ચહેરા પર ટિશ્યુ મૂકીને રણબીર કહે છે હા બિલકુલ, તુ જોરથી મારી રહી હતી.
ઈન્ટરવ્યૂમાં રણબીરે કર્યો હતો ખુલાસો
બાદમાં રણબીરે એક ઈન્ટરવ્યુમાં પણ આ વાતનો ઉલ્લેખ કર્યો હતો. તેણે કહ્યું હતું કે, અનુષ્કાએ મને એક બે વાર જોરથી થપ્પડ માર્યા, તે ખૂબ જ ઓર્ગેનિક એક્ટર છે. તે બધું ભૂલીને તેની શ્રેષ્ઠ એક્ટિંગ આપવા માંગતી હોય છે. તો તેણે મને ઘણા બધા લાફા માર્યા હતા.
અનુષ્કાએ કરી હતી સ્પષ્ટતા
એક ઈન્ટરવ્યુમાં અનુષ્કાએ પણ આ મામલે પોતાનો ખુલાસો કર્યો હતો અને કહ્યું હતું કે, તેમને ખબર જ હશે કે સીન કેવી રીતે શૂટ થાય છે? પહેલા તમે એક એક્ટરને શૂટ કરો અને પછી બીજા એક્ટરને. પહેલા રણબીરનો શોટ લેવામાં આવ્યો અને મને કહેવામાં આવ્યું કે મારે તેને રિયલમાં લાફો મારવાનો છે. મેં તેને માર્યું સીન ખૂબ જ લાંબો હતો. જ્યારે મારો સીન શૂટ કરવામાં આવ્યો હતો ત્યારે મને કહેવામાં આવ્યું હતું કે હકીકતમાં ન મારો પરંતુ હું સીનમાં ખોવાઈ ગઈ હતી અને હકીકતમાં લાફો માર્યો હતો. મારી સાથે એવું ઘણી વખત થાય છે કે હું સીનમાં ખોવાઈ જાઉ છું.