સુરત / બે ભાઇઓએ બનાવ્યું 'ડુપ્લિકેટ' ઓઈલ બનાવવાનું કારખાનું, 6 મહિના બાદ થયો પર્દાફાશ

સુરતના કામરેજમાં આવેલા માંકણા ગામમાંથી ડુપ્લિકેટ ઓઈલ બનાવવાનું કારખાનું મળી આવ્યું હતુ. પોલીસે શુભમ ઈન્ડસ્ટ્રીઝમાં દરોડા પાડીને હલકી ગુણવત્તાનું ઓઈલ ઝડપી પાડ્યુ હતું.

હલકી કક્ષાનું ઓઈલ લાવી તેમાં કેમિકલ ભેળવીને એન્જિન ઓઇલ બનાવી પ્લાસ્ટિકના ડબ્બામાં પેકિંગ કરવામાં આવતું હતું. કંપનીનું સ્ટીકર લગાવી બજારમાં ડુપ્લિકેટ હોવાનું જાણતા હોવા છતાં કંપનીના નામે વેચાણ કરતા હતા. બે ભાઇઓ છેલ્લાં 6 માસથી નકલી ઓઈલનો વેચાણ કરી રહ્યા હતા. જેની જાણ થતા પોલીસે દરોડા પાડ્યા હતા. 

પોલીસને કંપનની લોગો, ક્યુઆર કોડ, ઓઈલના ડબ્બા તેમજ ઓઈલ ભરવાનું મશીન મળીને કુલ 2 લાખ 75 હજારનો મુદ્દામાલ મળી આવ્યો. પોલીસે બન્ને આરોપીઓને શોધવા માટે ચક્રોગતિમાન કર્યા છે.