મહેસાણામાં પ્રાથમિક શિક્ષણની ગુણવત્તાની પોલ ખોલતો કિસ્સો સામે આવ્યો છે. એક શિક્ષક છેલ્લા 3 વર્ષથી શાળામાં ગયા જ નથી તો બીજા શિક્ષક કોઈ અન્ય બેરોજગાર યુવાનને પોતાને બદલે ફરજ ઉપર મોકલી રહ્યા હતા અને એ બોરજગાર યુવાનનો પગાર પણ આપી રહ્યા હતા. હવે જ્યાં શિક્ષકો જ આવા ગફલા કરતા હોય તે વિદ્યાર્થીઓને શું શીખવી શકે?
શિક્ષકોને માત્ર પગાર લેવામાં જ રસ?
આ પ્રકારના રાજ્યમાં કેટલા શિક્ષકો છે?
કેટલી ડમી શિક્ષકો વિદ્યાર્થીઓને ભણાવે છે?
ઓનલાઈન હાજરીનો કડક અમલ કેમ નહી?
ઠાકોર ખેંગારજી નામના શિક્ષકે શિક્ષણ વિભાગની આંખમાં ધૂળ નાંખી છે. શિક્ષકે પોતાના બદલે અન્ય વ્યક્તિઓને મોકલ્યો હતો. શિક્ષકે પોતે ગેરહાજર રહી અન્ય શખ્સને શાળાએ મોકલ્યો હતો
ક્યાંનો છે કિસ્સો?
સતલાસણાના નવા ફતેહપુરા ગઢ પ્રાથમિક શાળાનો બનાવ છે. ઠાકોર ખેંગારજી બેરોજગાર યુવકને માસિક રૂ.5 હજાર આપતો હતો. શિક્ષણાધિકારીની તપાસ દરમિયાન ખુલાસો થયો હતો.
બીજા એક શિક્ષક પણ ગેરહાજર
શાળા અન્ય શિક્ષક ભરત પટેલ 3 વર્ષથી શાળામાં આવ્યા નથી. બંને શિક્ષકોની ઓનલાઇન હાજરી પુરવામાં આવતી હતી. બંને શિક્ષકોને ફરજ મોકુફ કરવામાં આવ્યા.