હાલ માધ્યમિક અને ઉચ્ચતર માધ્યમિક પરીક્ષા ચાલી રહી છે. શિક્ષણ ગુણવતાયુક્ત બની રહે માટે પરીક્ષામાં ચોરી ન થાય અને વિદ્યાર્થીઓ શાંતિપૂર્ણ માહોલમાં પરીક્ષા આપે તેવી વ્યવસ્થા ગોઠવાઇ છે. રાજ્યમાં પરીક્ષા દરમિયાન કોપી કરતાં 17 વિદ્યાર્થી ઝડપાતા તેમના સામે કેસ નોંધાયા છે તો અન્ય 2 ડમી વિદ્યાર્થીઓ પણ પરીક્ષાખંડમાંથી ઝડપાયા છે.
રાજ્યમાં બોર્ડની પરીક્ષામાં 17 કોપીકેસ થયા
મોડાસામાં એક ડમી વિદ્યાર્થી ઝડપાયો
મામાની જગ્યાએ ભાણેજ આપી પરીક્ષા
અરવલ્લીના મોડાસામાં બોર્ડની પરીક્ષા દરમિયાન વધુ એક ડમી વિદ્યાર્થી ઝડપાયો છે. ધોરણ 10ની બોર્ડની પરીક્ષા આપી રહેલો ડમી વિદ્યાર્થીને ઝડપી પાડવામાં આવ્યો છે. મોડાસાની જીનિયસ સ્કૂલમાં તપાસ દરમિયાન ડમી વિદ્યાર્થી ઝડપાયો છે. ડમી વિદ્યાર્થીની પૂછપરછમાં સામે આવ્યું છે કે મામાની જગ્યાએ ભાણેજ ધોરણ 10ની પરીક્ષા આપી રહ્યો હતો. જેથી સંચાલકોએ ડમી પરીક્ષાર્થીને પોલીસ હવાલે કર્યો છે. હાલ પોલીસે મામા અને ભાણેજ સામે ગુનો નોંધી આગળની કાર્યવાહી હાથ ધરી છે.
2 દિવસમાં 17 કેસ કરવામાં આવ્યાઃ ભૂપેન્દ્રસિંહ
શિક્ષણમંત્રી ભુપેન્દ્રસિંહ ચુડાસમાએ જણાવ્યું હતું કે, રાજ્યમાં બોર્ડની 2 દિવસમાં પરીક્ષામાં 17 કોપીકેસ થયા છે. જ્યારે 2 ડમી વિદ્યાર્થી પકડાયા છે. બોડેલીમાં મુખ્ય શિક્ષક સામે તપાસ થશે. બોડેલીમાં CRC શિક્ષક અને તેની પત્ની સામે તપાસ થશે. વધુમાં તેમણે જણાવ્યું હતું કે, બે વિદ્યાર્થીઓ મોબાઇલ સાથે પણ ઝડપાયા છે. આ તમામ સામે કાયદેસરની કાર્યવાહી સ્કોવોર્ડ ટીમ દ્વારા હાથ ધરવામાં આવી છે.