આકરા પગલાં / ગોંડલ કોલેજમાં ડમીકાંડનો મામલે: ભાજપના નેતાને 4 વર્ષ માટે સસ્પેન્ડ કરાયો, MB કોલેજનું પરીક્ષા કેન્દ્ર રદ્દ

• અલ્પેશ ઢોલરિયાને 4 વર્ષ માટે સસ્પેન્ડ કરાયો
• ગોંડલમાં MB કોલેજનું પરીક્ષા કેન્દ્ર રદ્દ કરાયું
• ઉત્તરવહીમાં સહી અલગ હોવાનું સામે આવ્યું

ગોંડલના ભાજપના અલ્પેશ ઢોલરીયા ડમીકાંડ મામલો ખુબ ગાજ્યો હતો. પરંતુ અલ્પેશ ઢોલરીયા ભાજપનો નેતા છે એટલે અને વગ ધરાવતો શખ્સ હોવાને કારણે તેની સામે યુનિવર્સિટી પણ પગલા લેવામાં ઠાગાઠૈયા કરતી હતી પરંતુ આખરે સૌરાષ્ટ્ર યુનિવર્સિટી દ્વારા પગલા લેવાયા છે જેમાં અલ્પેશને આવનારા ચાર વર્ષ માટે સસ્પેન્ડ કરવામાં આવ્યો છે અને એમબી કોલેજનું પરીક્ષાકેન્દ્ર જ રદ્દ કરી દેવામાં આવ્યું છે. 

CCTV ડમીકાંડ કોપીકેસ કૌભાંડ

આ આખી ઘટનાના CCTV  સામે આવતા ડમી કાંડ અને માસ કોપીકેસનો મામલો સામે આવ્યો હતો. અલ્પેશની સ્થાને બીજા વિદ્યાર્થીએ પરીક્ષા આપી હતી જે CCTV માં ઝડપાઈ ગયો હતો. વળી 34 ઉત્તરવહીમાં સેમ ટુ સેમ લખાણ જણાતા આખો માસ કોપી કૌભાંડ કેસ અને ડમી વિદ્યાર્થીઓનો કાંડ સામે આવ્યો હતો.