દુલિપ ટ્રોફી / Video: ચાલુ મેચમાં પંત મસ્તીએ ચડયો! ખેંચ્યો કુલદીપ યાદવનો હાથ, કાઢ્યો અજીબ અવાજ

ભારતીય ક્રિકેટર ઋષભ પંત જ્યારે મેદાન પર આવે છે ત્યારે બધાની નજર તેના પર હોય છે. તેની બેટિંગ તોફાની છે એટલું જ નહીં, તેની વિકેટકીપિંગ પણ શાનદાર છે. આ સિવાય પંત જ્યારે મેદાન પર હોય છે ત્યારે તે પોતાની હરકતોને કારણે ચર્ચામાં રહે છે. પંત દુલીપ ટ્રોફીમાં ઈન્ડિયા-બી તરફથી રમી રહ્યો છે. આ ટીમ બેંગલુરુના એમ ચિન્નાસ્વામી સ્ટેડિયમમાં ઈન્ડિયા-એનો સામનો કરી રહી છે. પંત ભલે બેટિંગમાં ફ્લોપ રહ્યો હોય પરંતુ તે વિકેટ કીપિંગ દ્વારા પોતાની ટીમની જીતમાં યોગદાન આપવાનો શ્રેષ્ઠ પ્રયાસ કરી રહ્યો છે. રિષભ પંત દુલીપ ટ્રોફીમાં વિકેટ પાછળ પોતાની હરકતો માટે ચર્ચામાં છે. તે દુલીપ ટ્રોફી મેચ દરમિયાન મેદાન પર કુલદીપ યાદવને પરેશાન કરતો જોવા મળ્યો હતો. આ દરમિયાન તે વિકેટની પાછળ વિચિત્ર અવાજો કાઢતો પણ જોવા મળ્યો હતો.

કુલદીપ યાદવને હેરાન કર્યા

રિષભ પંત પણ ઘણી વખત મેદાન પર મસ્તી કરતો જોવા મળે છે. આવું જ દ્રશ્ય દુલીપ ટ્રોફી મેચ દરમિયાન પણ જોવા મળ્યું હતું. મેચની 56મી ઓવરમાં કુલદીપ યાદવ બેટિંગ કરવા આવ્યો હતો. આ દરમિયાન ઋષભ પંતે તેને હેરાન કરવાનું શરૂ કરી દીધું હતું. પંતે પહેલા તેનું હેલ્મેટ પકડ્યું અને તેને ખેંચવાનું શરૂ કર્યું. આ દરમિયાન પંત વારંવાર કુલદીપને હેરાન કરવાનો પ્રયાસ કરી રહ્યો હતો. આ જોઈને બંને ખેલાડીઓ હસી પડ્યા હતા. આ પછી પંતે પણ કુલદીપનું ટી-શર્ટ પકડીને તેના ખભા પર મૂક્યું અને કંઈક કહેવા લાગ્યા. જેના પર કુલદીપ જોર જોરથી હસવા લાગ્યો. તમને જણાવી દઈએ કે બંને આઈપીએલમાં દિલ્હી કેપિટલ્સનો ભાગ છે. આ સિવાય તેઓ અંડર-19 સમયથી એકબીજાને ઓળખે છે.

વધુ વાંચો : ઓલી પોપે ટેસ્ટ ક્રિકેટમાં રચ્યો ઇતિહાસ, આવું કારનામું કરનારો દુનિયાનો પહેલો ખેલાડી

પંતે વિચિત્ર અવાજ કાઢ્યા

આ મેચ દરમિયાન ઋષભ પંત વિકેટની પાછળથી વિચિત્ર અવાજો કરી રહ્યો હતો. આ દરમિયાન તે બેટ્સમેનોનું ધ્યાન હટાવવા માટે ખૂબ જોરથી હસી રહ્યો હતો. પંતના આ બંને વીડિયો સોશિયલ મીડિયા પર વાયરલ થઈ રહ્યા છે. રિષભ પંત 634 દિવસની લાંબી રાહ જોયા બાદ તાજેતરમાં જ રેડ બોલ ક્રિકેટમાં પરત ફર્યો છે. દુલીપ ટ્રોફી 2024માં ઈન્ડિયા B તરફથી રમતી વખતે તેનું પુનરાગમન કંઈ ખાસ નહોતું. તે માત્ર 7 રન બનાવીને આઉટ થયો હતો. જોકે બીજી ઈનિંગમાં અડધી સદી ફટકારીને તેણે ફોર્મમાં વાપસીનો સંદેશ આપ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ