જળ સંકટ / રાજસ્થાન તથા પંજાબને મળનારું પાણી જઇ રહ્યું છે પાકિસ્તાન, કારણ છે આવું

આપને જણાવી દઇએ કે, આ મામલે રાજસ્થાન સરકારે વર્તમાન સ્થિતી અંગે રિપોર્ટ માગ્યો છે. તેમજ પંજાબ સરકાર પાસેથી નહેરોની મરામત કામગીરી અંગેના અહેવાલની પણ માંગણી કરેલ છે. 

ખેડૂત નેતાઓનાં જણાવ્યા મુજબ, એક મહિનાથી દરરોજ સરેરાશ પાંચથી છ હજાર પાણી પાકિસ્તાન તરફ વહી રહ્યું છે. જાણકારોનું માનવું છે કે, આપણાં દેશમાંથી પાકિસ્તાન તરફ વહી જતું પાણી ભલે સંપુર્ણપણે રોકી શકાય તેમ ન હોય પરંતુ નહેરોની સ્થિતી સુધારીને ઓછામાં ઓછી અડધાથી વધુ માત્રામાં પાણી આપણા રાજ્યોનાં ઉપયોગમાં લઇ શકાય તેમ છે.

ઉલ્લેખનીય છે કે, પાકિસ્તાન તરફ જઇ રહેલું પાણી ખરેખર પંજાબમાં વ્યાસ તથા સતલજ નદી પર બનેલ હરિકે બેરેજની અધિશેષ માત્રામાંથી છોડવામાં આવે છે. આ પામી હુસૈની વાળા હેડથી થઇને પાકિસ્તાન તરફ ચાલ્યું જાય છે. અધિકારીઓનું કહેવું છે કે, પંજાબમાં ધાન્યની રોપણી શરૂઆત થયા બાદ સ્થિતિ સામાન્ય બનશે. 

જળ સંસાધન વિભાગનાં અધિકારીના જણાવ્યા મુબજ, સરકારે આ મામલે અમારી પાસેથી સ્થિતી રિપોર્ટ મંગાવ્યો હતો, જે અમે તાત્કાલિક અસરથી મોકલી દીધો છે. તે સમયે પંજાબ પોતાનાં હિસ્સાનું પાણી લેતું નહોતું. જો કે હવે સ્થિતી સામાન્ય થઇ છે. પંજાબમાં ધાન્યની રોપણી શરૂ થઇ ગઇ છે.