અમદાવાદ: સમગ્ર ઉત્તર ભારત અને દિલ્હી તેમજ તેની આસપાસના વિસ્તારમાં વરસાદ અને કરા પડ્યા પડવાના કારણે હવામાન ખરાબ હોવાથી દિલ્હી આવતી જતી અનેક ફ્લાઇટના શેડ્યુલ ખોરવાયાં છે કેટલીક ફલાઇટ ડાયવર્ટ કરાઈ છે તો કેટલીક રદ કરવામાં આવી છે તેની અસર અમદાવાદ આવતી જતી ફ્લાઇટ ઉપર પણ થઈ છે.
અમદાવાદ એરપોર્ટ પર દિલ્હી બેગલુરુ સહિતની કુલ ૩૧ ફ્લાઇટ બપોરના ૧ર વાગ્યા સુધીના શેડ્યૂલમાં ખોરવાઈ છે દિલ્હીથી આમદાવાદ આવતી જતી તમામ ફ્લાઇટ બેથી ત્રણ કલાક મોડી પડી છે જેના કારણે અમદાવાદ એરપોર્ટ પર અનેક પ્રવાસીઓ અટવાયા છે. ઈન્દિરા ગાંધી આંતરરાષ્ટ્રીય એરપોર્ટ પર મધરાતે આવનારી ૩૮ ફ્લાઈટના માર્ગ બદલવામાં આવ્યા હતા. ઈન્દિરા ગાંધી એરપોર્ટ પર આવતી-જતી ઘણી ફલાઈટ ઉપર હવામાનની અસર થઈ છે.
ઉલ્લેખનીય છે કે એરપોર્ટ ઉપર ખૂબ ઝડપથી પવન ફૂંકાતો હોવાથી ફ્લાઈટના માર્ગ બદલવામાં આવ્યા છે.અમદાવાદથી દિલ્હી જતી સ્પાઇસ જેટ શ્રીલંકન એરવેઝ એર ઇન્ડિયા સિંગાપોર એરલાઇન્સ બ્રિટિશ એરવેઝ અને ઈન્ડિગો ની બે ફ્લાઇટ ત્રણ કલાક મોડી ઊપડી હતી જેના કારણે પ્રવાસીઓને એરપોર્ટ પર બેસી રહેવું પડ્યું હતું આ ઉપરાંત જેટ લાઈટ ઈન્ડિગોની મુંબઈ હૈદરાબાદ અને કુવૈત ની ફ્લાઇટ પણ મોડી ઉપડી હતી.
આપને જણાવી દઇએ કે બેંગલુરુની ગો-એર વિસ્તારા સિંગાપોર એરલાઈન્સની ચાર ફલાઇટ સહિત અમીરાતની દુબઈ ઇન્ડિગોની ચેન્નાઇ ગો-એરની ચંડીગઢ અને સ્પાઇસ જેટની જોધપુર ઇન્ડિગોની કોલકાતા એરઇન્ડિયાની ચેન્નઇની ફ્લાઇટના શેડ્યૂલ ખોરવાયાં છે. દિલ્હી અમદાવાદની એર કેનેડા એશિયન એરવેઝની દિલ્હી એર કેનેડાની દિલ્હી અને જેટ લાઈટની દિલ્હીથી સવારે આવતી ફ્લાઇટ ત્રણ કલાક મોડી આવી હતી.
જ્યારે બેંગલુરુની ગો-એર વિસ્તાર સિંગાપોર એરલાઇન્સ અને સિલ્ક એરની ચાર ફ્લાઇટ બે કલાકથી વધુ સમય માટે મોડી પડી હતી હૈદરાબાદ અને જોધપુરથી અમદાવાદ આવતી ગો એર અને સ્પાઇસ જેટની ફ્લાઇટ પણ મોડી આવી છે.